Otandasymyzdyń úzdikter tiziminde 15 orynǵa jaıǵasqan 28 jastaǵy Apennın túbeginen kelgen tennısshini utatynyna kúmándanǵandar kemde-kem edi. О́ıtkeni Elena Jasmınge qaraǵanda áldeqaıda qarymdy. Ol álemdik reıtıngte alǵashqy tórttikti túıindep tur. Qol jetkizgen jetistikteri de odan áldeqaıda zor. Paolını bar bolǵany byltyr «Rolan Garrosta» dál osy mejege deıin jetip, WTA týrnırlerinde eki ret top jardy. Desek te bul kezdesýde Rybakına óte nashar oınady. Báseke barysynda jıi qatelesip, qarsylasynyń bir emes, birneshe ret breık jasaýyna múmkindik berdi. Nátıjesinde, 2 saǵattan asa ýaqytqa sozylǵan saıysta Jasmın Paolını 2:6, 6:4, 4:6 esebimen jeńiske jetti.
Jalpy, Elena Rybakınanyń grýntta erkin oıqastaǵan kezi sırek. 2002 jyly ol «Ýımbldonda» dara shyǵyp, byltyr Aýstralııanyń ashyq birinshiliginde fınalǵa deıin jetkenimen, «Rolan Garrosta» únemi sátsiz óner kórsetip júr. Jerlesimizdiń Parıjdegi eń úzdik kórsetkishi – 2021 jylǵy jarystyń shırek fınaly. Bıyl da Elena dál sol mejede súrindi.
