Bas bapker Magomed Adıev ulttyq komandamyzdan ketkennen keıin bul kezdesýge fýtbolshylardy otandyq maman Rýslan Baltıev bastap apardy. Biraq Ararat taýynyń baýraıynda jerlesterimizdiń joly bolmady. Básekeniń 4-mınýtynda qarsy jaq oıynshysynyń qaqyrata tepken dobyn keri qaıtarýǵa tyrysqan Aleksandr Marochkın ony óz qaqpamyzǵa engizdi. Armıandar alǵa shyqqannan keıin Qazaqstan quramasy birden qarymta qaıtarýǵa tyrysty. Alaıda sáttilik bizge joldas bolmady. Birde Marochkınniń baǵyttaǵan doby baǵanaǵa tıse, Maksım Samorodov mańdaıshany kózdedi.
Úzilisten keıin de tartysty oıyn jalǵasty. Eki jaq tarapynan da qaýipti shabýyldar uıymdastyryldy. Bul joly da alań ıeleriniń asyǵy alshysynan tústi. 58-mınýtta Vagan Bıchahchıannyń alystan tepken doby qaqpa torynan tabyldy. Olardyń eki birdeı nátıjeli shabýylyna Qazaqstannyń fýtbolshylary tek bir golmen jaýap qaıtara aldy. Tóreshiniń qosqan 6-mınýtynda Baýyrjan Islamhan 11 metrlik núkteden esep aıyrmashylyǵyn qysqartty – 2:1.
Osy sátsizdikten keıin jerlesterimiz Majarstanǵa attandy. Olar búgin atalǵan memlekettiń Sombatheı qalasynda Ázerbaıjan quramasymen joldastyq kezdesý ótkizedi.
