Foto: osken-onir.kz
Shet aýdanynda 150 gektar alqapqa arpa ekken Aman Káribaevtyń egistigi bos qaldy. Ol kıikter tabynyn qansha qaraýyldasa da jyldam qozǵalatyn olardy toqtatyp úlgermegen. Keıingi kezderi jıi qaıtalanǵan bul qubylystan egistik kıikterge taptalyp, bos qalǵan. Endi sharýa kimnen ótemaqy suraryn bilmeı dal bolyp otyr.
«Ekken arpalarym júz shaqty sıyrdyń azyǵy edi. Kıikter shegirtkedeı qaptap kelip qalady. Qoryqshylarmen birigip qansha qýsa da aınalyp kele beredi. Biz olarmen qandaıda da bir jolmen kúresýimiz kerek. Áıtpegende bárimiz birge nansyz qalamyz», dedi Aman Káribaev.
Oqıǵa ornyna ınspektorlar baryp, akt jasaǵanymen, shyǵyndy óndirip alatyn eshkim bolmaǵan. 2023 jyly Qaraǵandy oblysynda kıikterdiń egin alqaptaryn taptaǵan 23 jaǵdaıy tirkelgen. Al aýyl sharýashylyǵy mınıstrligi mundaı jaǵdaı praktıkada bolmaǵanyn alǵa tartyp, shyǵyndy óteý mehanızmi belgilenbegenin málimdedi.
«Biz mundaı máselemen buryn sońdy aınalysqan emespiz. Aqbókender úı janýary emes, sondyqtan olardy bir baǵytqa aıdap, qamap ustaı almaısyń. Endi egindi olardan qorǵaýdyń tásilin qarastyrý kerek. Motosıklderge minip olardy baıaý aıdaıtyn top bolǵany jón sekildi», Qaraǵandy oblystyq orman sharýashylyǵy jáne janýarlar dúnıesi aýmaqtyq ınspeksııasynyń basshysy Abzal Baltabaev.
1 jyldyń ishinde Betpaqdalada órgen kıik sany 700 myńnan 1 mıllıon 150 myńǵa deıin ósip, taralý geografııasy ulǵaıǵan. Mamandar bolashaqta egistik alqaptary kıikter úshin súıikti orynǵa aınalýy múmkin dep boljap otyr.
