Foto:inform.kz
№2 О́skemen qalalyq sotynyń sheshimimen ShQO-nyń eki turǵyny ulttyq jáne áleýmettik arazdyqty týdyratyn jarııalanymdary men nasıhattary úshin sottaldy.
Tergeý barysynda kúdiktilerdiń 2024 jylǵy aqpanda ınternet-resýrstardy (chat-rýletka) paıdalana otyryp, Shyǵys Qazaqstan oblysyn Qazaqstan Respýblıkasynan bólý maqsatynda referendým ótkizý qajettiligi týraly óz senimderi men ıdeıalaryn bildirgenderi anyqtaldy.
«Referendýmda oń nátıjege qol jetkizilmegen jaǵdaıda oblysty kúshtep basyp alýdy nasıhattady. Aıyptalýshylar óz kinálaryn tolyq moıyndap, ókinish bildirdi. Memlekettik aıyptaýshy sotta olardyń árqaısysyn 5 jylǵa bas bostandyǵynan aıyrýdy surady. Zańdy kúshine engen sot úkimimen joǵaryda atalǵan tulǵalar 5 jylǵa bas bostandyǵynan aıyryldy. Memlekettiń qaýipsizdigi men tutastyǵyn qamtamasyz etý máseleleri quqyq qorǵaý jáne arnaıy organdardyń erekshe baqylaýynda», delingen habarlamada.
Qyrmyzy JUMAǴALIQYZY,
EUÝ stýdeti
