Ál-Farabı atyndaǵy QazUÝ jáne O.Kýtafın atyndaǵy Máskeý memlekettik zań ýnıversıteti birlesip uıymdastyrǵan forým birtutas eýrazııalyq keńistikti qalyptastyrý boıynsha ózekti máselelerdi talqylaý jáne túıtkilderdi sheshý úshin Qazaqstannyń jetekshi ǵalymdary men shetel zańgerleri, saıasattanýshylary, fılosoftar men ekonomısterdiń kúsh-jigerin biriktirýdi kózdeıdi.
Is-sharanyń ashylý saltanatynda Ál-Farabı atyndaǵy QazUÝ-dyń basqarma tóraǵasy-rektor Janseıit Túımebaev forým Ortalyq Azııa elderinde quqyqtyq qyzmetterdi kórsetý salasyndaǵy ıntegrasııa men ózara is-qımyldy zańnamalyq retteýdiń ózekti máselelerin talqylaý úshin sarapshylardyń, ǵalymdar men praktıkterdiń kúsh-jigerin biriktirýge baǵyttalǵanyn atap ótti.
«Quqyqtyq, demokratııalyq, áleýmettik memlekettiń mańyzdy mindeti – qazirgi kóppolıarly álemde adam quqyǵy men bostandyǵyn qamtamasyz etý, kepildik berý jáne qorǵaý. Osy asa mańyzdy mindetti sheshýge 2022 jylǵy Qazaqstandaǵy konstıtýsııalyq reforma jáne osy saladaǵy konstıtýsııalyq-quqyqtyq zańnamany odan ári jetildirýge baǵyttaldy. Búgingi forýmdaǵy pikirsaıys memlekettik qurylystyń ózekti máselelerin sheshýge eleýli úles qosady», dep atap ótti QazUÝ rektory.
O.E.Kýtafın atyndaǵy ýnıversıtettiń (MGIýA) rektory Vıktor Blajeev, Qazaqstan Respýblıkasy Prezıdentiniń janyndaǵy Adam quqyqtary jónindegi komıssııanyń tóraǵasy Igor Rogov sóz sóıledi. Igor Rogovtyń aıtýynsha, ekonomıkalyq ıntegrasııa jaǵdaıynda kórshi elderdiń zańnamasy men praktıkasy erekshe qyzyǵýshylyq týdyrady. Bul ekonomıkalyq damýdy, bıznes ınnovasııalardy jáne óz elinde beıimdelýge, qoldanýǵa bolatyn basqa da paıdaly aspektilerdi anyqtaýǵa kómek beredi. Túrli elderdiń zańnamasyn zerdeleý yntymaqtastyqqa jańa múmkindikter ashýy múmkin, sonyń ishinde birlesken jobalar, tájirıbe men tehnologııalar almasý jáne ekonomıkalyq qatynastardy nyǵaıtýǵa jol ashady.
Plenarlyq otyrystan keıin forým jumysy toǵyz paneldik seksııada jalǵasty.
