«Astana arlandary» Venesýela quramasyn 5:0 etip utty

ASTANA. 17 qańtar. Búgin «Astana Arlans» Búkilálemdik boks serııasy (WSB) aıasynda «Kasıkes Venesýela» komandasyn qabyldap, 5:0 esebimen talqandap shyqty. Bul týraly vesti.kz habarlady. Osymen serııanyń besinshi maýsymy bastaldy. Sharshy alańdaǵy shaıqastar shymyldyǵyn ádettegideı 49 kıloǵa deıingi bylǵary qolǵap sheberleri ashty. Onda qazaqstandyq Mardan Berikbaevtyń áriptesi Ioel Segýndo Fınol Rıvasty utqanyna eshkimniń kúmáni bolǵan joq. Nátıjesinde tóreshiler bir aýyzdan jeńisti bizdiń boksshyǵa berdi. Budan keıin 56 kıloǵa deıingi salmaqtaǵy Meıirbolat Toıytov venesýelalyq Hose Vısente Dıas Azokardy emin-erkin utty. Ol qarsylasyn birinshi raýndta bir ret nokdaýnǵa túsirdi. Alaıda, Hose ornynan turyp, urysqa qaıta kiristi. Ol ekinshi raýndta da tótep berdi. Al Meıirbolat urysty merziminen buryn aıaqtaýǵa kúsh saldy. Degenmen, shaıqas sońyna deıin jetti. Bul «Astana arlans» ulanynyń 3:0 esebimen basym túsýine kedergi bola almady. Komandaǵa úshinshi jeńisti 64 kılodaǵy Samat Báshenov áperdi. Ol da Lýıs Martın Arkon Dıaspen urysyn aıqyn basymdyqpen aıaqtady. Osy jeńisti joldardy 75 kıloǵa deıingi salmaq dárejesinde Meıirim Nursultanov ádemi jalǵastyrdy. Bizdiń boksshy Hýan Karlos Rodrıges Patınony tehnıkalyq nokaýtpen tize búktirdi. Al eń sońynda 91 kıloǵa deıingi salmaqtaǵy Vasılıı Levıt te qarsylasy Alfonso Hose Flores Mıllandy tehnıkalyq nokaýtpen utyp, kezdesýdiń sońǵy núktesin qoıdy. Damır Qojamqul. Derek, sýret: vesti.kz.