Shymkent Qylmystyq ister jónindegi mamandandyrylǵan aýdanaralyq soty jabyq sot otyrysynda I-ge qatysty qylmystyq isti qarady. 19 jastaǵy qala turǵyny kámeletke tolmaǵan balaǵa jynystyq sıpattaǵy zorlyq-zombylyq jasady degen kúdikke ilingen.
Sot málimetinshe, I. 2023 jylǵy qazannyń aıaǵynda 2013 jyly týǵan kámeletke tolmaǵan M-nyń dármensiz jaǵdaıyn paıdalanyp, oǵan qarsy birneshe ret jynystyq sıpattaǵy zorlyq-zombylyq áreket jasaǵan.
- Sottyń qorytyndylary kámeletke tolmaǵan jábirlenýshiniń zańdy ókiliniń aıǵaqtary, sottalýshynyń sotaldy tergep-tekserý barysynda bergen moıyndaý aıǵaqtary, saraptamalardyń qorytyndylary jáne istiń basqa da materıaldarymen rastalady. Prokýror QK-niń 121-baby 4-bóligi boıynsha 20 jylǵa bas bostandyǵynan aıyrý jazasyn taǵaıyndaýdy surady. Kámeletke tolmaǵan jábirlenýshiniń zańdy ókili jáne onyń advokaty prokýrordyń ustanymymen kelisti. Qorǵaýshy tarap aqtaý úkimin shyǵarýdy surady, - dedi Shymkent Qylmystyq ister jónindegi mamandandyrylǵan aýdanaralyq soty baspasóz qyzmeti ókilderi.
Sot I-di QK-niń 121-baby 4-bóligi boıynsha kináli dep tanyp, oǵan kámeletke tolmaǵandardy tárbıeleýge baılanysty pedagogıkalyq laýazymdar atqarý quqyǵynan ómir boıyna aıyra otyryp, ortasha qaýipsizdik qylmystyq-atqarý júıesiniń mekemelerinde 20 jyl merzimge bas bostandyǵynan aıyrý túrindegi jazany taǵaıyndady. Úkim zańdy kúshine engen joq.
