Atyraýda týrızmdi damytýshylar marapattaldy

ATYRAÝ. 19 qańtar. Atyraý oblysynda týrızm salasyn damytýǵa úles qosqandar marapattaldy. Bul týraly egemen.kz tilshisi habarlady. Atyraý oblysy ákiminiń birinshi orynbasary Ǵumar Dúısembaev týrızm salasynyń keń qanat jaıýyna laıyqty atsalysyp júrgen bir top atyraýlyqqa Investısııalar jáne damý mınıstrliginiń marapattaryn tabystady. Máselen, «Han ordaly Saraıshyq» tarıhı memorıaldyq kesheniniń dırektory Moldash Berdimuratov mınıstrliktiń «Týrızm salasyna sińirgen eńbegi úshin» tósbelgisimen marapattaldy. Sondaı-aq, oblystyq kásipkerlik jáne ındýstrııalyq-ınnovasııalyq damý basqarmasy týrızm bóliminiń basshysy Qarlyǵash Bekbaeva men oblystyq tarıhı-ólketaný murajaıy ekskýrsııa bóliminiń meńgerýshisi Oksana Áljanova atalǵan mınıstrliktiń Qurmet garmotasyna ıe boldy. «Saraıshyqtyń el tarıhynda alar orny erekshe. Sol sebepten bıyl Saraıshyq týraly kıno túsiriledi. Qasym hannyń dáýirinde qazaq handyǵynyń astanasy bolǵan, uzyndyǵy 10, eni 8 shaqyrymǵa sozylǵan, aıyna 700-ge jýyq kerýen toqtaǵan qala sol kezde úlken ortalyqqa aınalǵan. Sol tarıhı qala – Saraıshyq qazirde de týrızmniń ortalyǵy bola alady. Bul úshin aldymen Jaıyq ózeniniń jaǵasyn bekitip, qazba jumystaryn jalǵastyrý qajet», deıdi «Han ordaly Saraıshyq» tarıhı memorıaldyq kesheniniń dırektory Moldash Berdimuratov. Joldasbek Shópeǵul. Derek, sýret: egemen.kz.