Atyraýda jolaýshylar avtobýstaryn GPS-pen baqylaıdy

ATYRAÝ. 19 qańtar. Atyraý qalasynda jolaýshylar tasymaldaıtyn avtobýstar qozǵalysy GPS-pen baqylaýǵa alynady. Bul týraly egemen.kz tilshisi habarlady. Atyraý qalasynyń ákimi Nurlybek Ojaevtyń jergilikti jolaýshy tasymaldaýshylarmen ótkizgen keńesinde naq osy másele maquldandy. Buǵan deıin, ıaǵnı, ótken jyldyń kúzinde qalalyq ákimshiliktiń qyzmetkerleri Astanadaǵy qoǵamdyq kólikte GPS júıesin engizý tájirıbesine zertteý júrgizipti. Al Atyraýdaǵy alǵashqy tájirıbe №4 mashrýtta qatynaıtyn avtobýsta engizilgen. Osy baǵyttaǵy 12 avtobýsqa GPS júıesi qondyrylyp, qoǵamdyq kóliktiń aıaldamalarǵa kelýi ýaqyty, uzaq turýy men salonǵa adamnyń kóp minýi, júrgizýshilerdiń jol qozǵalysy erejesin saqtaýy baqylaýǵa alynǵan. «Bul qoǵamdyq kólikterde jolaýshy tasymalyn jaqsartýǵa septigin tıgizedi. О́ıtkeni, GPS júıesin qaladaǵy 200-den astam avtobýsqa ornatar bolsaq, olardyń kúndelikti qozǵalysyn, quqyq buzýshylyqtardy ekrannan kórip otyrýǵa bolady», degen Atyraý qalasynyń ákimi Nurlybek Ojaev tıisti mamandarǵa GPS júıesin engizýdiń tıimdi joldaryn qarastyrýdy usyndy. Mundaı júıe bolashaqta Atyraý qalasyndaǵy taksı qyzmetine qoldanylýy múmkin. Joldasbek Shópeǵul. Derek: egemen.kz. Sýret: azh.kz.