Foto: A.Baıjumanov
«Ǵylym jáne tehnologııalyq saıasat týraly» jáne oǵan ilespe «Qazaqstannyń keıbir zańnamalyq aktilerine ǵylym jáne tehnologııalyq saıasat, platformalyq jumyspen qamtý jáne memlekettik baqylaý máseleleri boıynsha ózgerister men tolyqtyrýlar engizý týraly» zańdarda ǵylymdy basqarý úlgisin jetildirýge, Ǵylym qorynyń qyzmetin retteýge, Ulttyq ǵylym akademııasynyń quqyqtyq mártebesin aıqyndaýǵa baǵyttalǵan quqyqtyq erejeler kózdelip otyr. Zańdarda odan basqa ǵylymı ınfraqurylymnyń negizgi elementteri, ǵylymı uıymdardy qarjylandyrý tártibi, ǵylymı jáne ǵylymı-tehnıkalyq qyzmet sýbektilerine olardyń ǵylymı jáne ǵylymı-tehnıkalyq qyzmetiniń nátıjesin kommersııalandyrý baǵdarlamalaryn iske asyrýǵa járdemdesý sharalary aıqyndalady.
Parlamentshiler «Salyq jáne bıýdjetke tólenetin basqa da mindetti tólemder týraly» QR-nyń Kodeksine (Salyq kodeksi) jáne «Salyq jáne bıýdjetke tólenetin basqa da mindetti tólemder týraly» QR-nyń Kodeksin (Salyq kodeksi) qoldanysqa engizý týraly» QR-nyń zańyna ózgerister men tolyqtyrýlar engizý týraly» QR-nyń zańyn da qarady. Qujat ǵylymdy damytý úshin qolaıly jaǵdaı jasaýǵa, ǵylymı-zertteý, ǵylymı-tehnıkalyq jáne tájirıbelik-konstrýktorlyq jumystarǵa, ǵylymı jáne ǵylymı-tehnıkalyq qyzmet nátıjesin kommersııalandyrý jobasyna beriletin jeke ınvestısııaǵa salyqtyq jáne ınvestısııalyq preferensııalar berýge baǵyttalǵan.
Senatorlardyń aıtýynsha, zańdardy qabyldaý ǵylymnyń ekonomıkany damytýǵa qosqan úlesin jaqsartýǵa jáne eldiń ǵylymı áleýetin arttyrýǵa yqpal etedi.
Komıtet músheleri talqylaý qorytyndysy boıynsha zańdardy Palata otyrysynda qaraýǵa jiberý týraly sheshim qabyldady.
