Sýretterdi túsirgen – Jangeldi ÁBDIǴALYM
Daryndy balalardyń basqosýynda halyqaralyq, respýblıkalyq olımpıadalar men ǵylymı jobalardyń 58 medal ıegeri men olardyń ustazdary marapattaldy. Birinshi oryn – 200 myń teńge, ekinshi oryn – 150 myń teńge, úshinshi oryn – 100 myń teńge sertıfıkattarǵa ıe bolǵan daryndy oqýshylardyń jetekshileri Alǵys hattarǵa ıe boldy.
– Oblystyń maqtanyshyna aınalǵan, respýblıkalyq, halyqaralyq olımpıadalar jáne ǵylymı joba saıystarynyń júldegerlerimen kezdesý dástúrge aınaldy. Men úshin mundaı kezdesýlerdiń máni basqa, maǵynasy bólek. Biz, úlkender, balamyzdyń ómirlik jolyna qyzyǵýshylyq tanytyp, ár jetistigine qýanamyz. Sizder ózderińizdiń bilimderińizdiń arqasynda erekshelenip qana qoımaı, mektep bedelin kóterip, oblystyń, elimizdiń mereıin ústem ettińizder. Jetistikterińizdi estip, bir jasap qalamyz. Sol sebepti, bul kezdesý erekshe jylýlyq pen qýanysh syılaıdy. Oblysta balalardyń bilim alýyna barlyq jaǵdaı jasalǵan. Halyqaralyq, respýblıkalyq olımpıadalardan júldeger atanǵan sizderdi kórip, bolashaǵymyzdyń jarqyn ekenine senim artamyz. Sizder laıyqty bilim alyp, elimizdi kórkeıtedi degen senimdemin, – dedi aımaq basshysy.
Emin-erkin áńgime kezinde oqýshylar oıǵa alǵan josparlarymen bólisti.
Máselen, Qaraǵandydaǵy №30 mekteptiń túlegi, Ýlıana Radıonova orys tili men ádebıeti páni boıynsha respýblıkalyq olımpıadanyń kúmis júldegeri. Aldaǵy ýaqytta fılologııa salasynda bilimin tereńdetkisi keledi. Qarqaraly aýdany Besoba aýlynyń 11-synyp oqýshysy Aıdana Tólegen geografııa páninen úzdik nátıjelerge qol jetkizip, respýblıkalyq olımpıadanyń altyn medalin jeńip alǵan edi. Aıdananyń pánge degen súıispenshiligin geografııa pániniń muǵalimi bolyp qyzmet etetin ákesi arttyrǵan. Aıdana «menedjment jáne basqarý» mamandyǵy boıynsha oqýǵa túsýdi josparlap otyr.
Al Azııa-Tynyq muhıty halyqaralyq olımpıadasynyń jeńimpazy atanǵan, matematıkalyq ǵylymdar baǵyty boıynsha olımpıadanyń qola júldegeri, «Murager» mamandandyrylǵan mektep-lıseı-ınternatynyń 10-synyp oqýshysy Jeńisbek Beıbarys oblys ákimine jańa zamanaýı oqýshylar saraıy úshin oqýshylardyń atynan alǵysyn bildirdi. Onymen qosa, jas ǵalym «qaladan da osyndaı oqýshylar saraıy salyna ma?» degen saýalyn joldady.
О́z kezeginde aımaq basshysy jas daryndy jańa jetistigimen quttyqtady. Aldaǵy ýaqytta jas daryndardy daıarlaıtyn mundaı saraılardyń boı kóteretinin aıtyp, jaýap berdi.
— Búginderi qosymsha bilim berýge óte mańyzdy kóńil bólinip keledi. Bul jaıly Prezıdent jyl saıynǵy Joldaýlarynda atap ótedi. Aldaǵy ýaqytta Prıshahtınsk balalary úıirmeler men seksııalarǵa qatysyp, jańa dostar taýyp, ǵylym úırenýge jáne jan-jaqty damýǵa bolatyn ekinshi úılerine aınalady dep úmittenemin. Bul jumysty ári qaraı da jalǵastyramyz. Maıqudyq pen Temirtaýda oqýshylarǵa arnalǵan zamanaýı saraılar salý ári bıyl Balqash pen Osakarov aýdanynda qosymsha bilim berý ortalyǵyn ashý josparymyzda bar, – dedi E.Qabdýlauly.
Kezdesý kezinde oblys ákimi oqýshylardyń talabyn shyńdap, bilimin tereńdetip júrgen ustazdar qaýymyna alǵys aıtty.
– Búgin jaqsy kezdesý boldy dep esepteımin. «Ustazy jaqsynyń ustanymy jaqsy» degen sóz bar. Bilim bıiginen kórinip, jetistikke jetkenderińiz – muǵalimderińizdiń eren eńbeginiń arqasy. Talantty tanı bilý, daryndy asha bilý – muǵalimniń sheberligi. Jas bolsa da, týǵan jerleriniń atyn shyǵaryp júrgen talantty, daryndy oqýshylarǵa jáne olardy bilim báıgesine daıyndap júrgen ustazdarǵa alǵys bildiremin, – dedi aımaq basshysy.
Odan keıin sóz alǵan N.Nurmaqov atyndaǵy mamandandyrylǵan mektep-lıseı-ınternatynyń matematıka pániniń muǵalimi Ekaterına Nıprýk daryndy shákirt tárbıeleý ár ustazdyń mindeti bolýǵa tıis dedi.
– Matematıka pániniń muǵalimimin ári balalarǵa úsh tilde sabaq beremin. Búgingi kezdesýge oqýshylarmen birge qatysyp otyrǵanyma qýanyshtymyn. Sizge de úlken alǵys bildiremiz. Jas talanttarymyz búgingi kezdesýden soń ármen qaraı talabyn arttyrady dep oılaımyn. Oqýshynyń talantyn tanyp, ony asha bilý – ár muǵalimge berilgen syn, – dedi E.Nıprýk.
Munymen qosa, daryndy balalar aımaq basshysynyń mektepte qalaı oqyǵanyn, bos ýaqytynda nemen aınalysatynyn surap bildi. Mamandyq tańdaý kezinde qandaı qaǵıdattarǵa súıený kerektigin surady. Oblys ákimi el erteńi sanalatyn jastarǵa senim kóp artylatynyn aıtyp, júzin shattyq bólegen balalarmen kezdesýden erekshe áser alǵanyn jetkizdi.
Qaraǵandy oblysy
