О́tkenimizge kóz salsaq, Elbasy Nursultan Nazarbaevtyń kóregen saıasatynyń arqasynda memleketimizdiń nyǵaıa túsýine baǵyttalǵan quqyqtyq zańnamalar men is-sharalar qabyldanyp, el ekonomıkasy men áleýmettik jaǵdaıy túzelip, Qazaqstan álem memleketteriniń ortasynan óz ornyn aıqyndady. Búkil álemge óziniń birtutastyǵymen, ajyramas birligimen tanyldy. Qoǵam damýynyń jańa jolyn tańdap, ýaqyttan týyndaǵan ártúrli keselderden aıyǵýdy mindet etip qoıdy. Ol jol – Prezıdentimizdiń bastaýymen alǵa qoıylǵan sybaılas jemqorlyqpen kúres joly.
Qazaqstan halqyna Joldaýynda Elbasy Nursultan Nazarbaev «Memleket pen qoǵam birtutas maıdan quryp jemqorlyqqa qarsy shyǵýy tıis. Jemqorlyq – jaı quqyq buzýshylyq emes. Ol memlekettiń tıimdiligine degen senimdi setinetedi jáne ulttyq qaýipsizdikke tóngen tikeleı qater bolyp tabylady», degen bolatyn. Shynynda sybaılas jemqorlyq Qazaqstannyń barlyq tabystaryna qol jetkizýge múmkindik týǵyzǵan memleketimizdiń negizgi qundylyǵy – Táýelsizdikke qaýip tóndiredi. Bul baǵyttaǵy jumystardy jandandyrý maqsatynda Elbasy 2015 – 2025 jyldarǵa arnalǵan sybaılas jemqorlyqqa qarsy strategııany bekitti. О́tken jyldyń sońynda Elbasynyń «Qazaqstan Respýblıkasynyń memlekettik basqarý júıesin odan ári jetildirý jónindegi sharalar týraly» № 883 Jarlyǵy nátıjesinde Memlekettik qyzmet isteri jáne sybaılas jemqorlyqqa qarsy is-qımyl agenttigi qurylǵan bolatyn. Osydan keıin qarjy polısııasynyń atqaryp kelgen mindetteri eki vedomstvoǵa bólinip, korrýpsııaǵa qarsy kúres agenttigi óziniń jıyrma jyldyq tarıhyndaǵy taǵy bir belesten ótti.
Árıne, Prezıdenttiń memlekettik basqarý qurylymyndaǵy ózindik orny bolǵan eki organdy qosý jónindegi sheshimine áser etken obektıvti sebepter joq deýge bolmas. Bul jerde eń bastysy – qazirgi tańda sybaılas jemqorlyqqa qarsy kúres baǵytyna qoǵamdy jumyldyrý. Al bul baǵytta qoǵamdy jumyldyrý úshin qoǵamnyń tıisti organǵa degen senimi nyǵaıýy tıis. Meniń pikirimshe, burynǵy qarjy polısııasynyń sybaılas jemqorlyqqa qarsy kúres salasyndaǵy kásibıligi men memlekettik qyzmet isteri agenttiginiń stılindegi qoǵammen senimdi baılanysyn ushtastyrý qajet boldy. Iаǵnı, jańa agenttikte quqyq qorǵaý organynyń mártebesi saqtalǵanmen, ony mılıtarızasııadan saqtaý qaǵıdaty kózdeldi. Qazirgi tańda agenttiktiń quqyq qorǵaý qyzmetin atqaratyn qyzmetkerlerde áskerı shender alynyp tastaldy.
Sondaı-aq, jeke quramnyń qatary ákimshilik memlekettik qyzmetshilermen tolyqtyryldy. Bizdiń qyzmetkerler úshin qyzmet etý barysynda ustanýǵa tıis arnaıy ádeptilik normalary ázirlenip, barlyq qyzmetkerler qarapaıymdylyqty dáripteıtin erekshe mindetti shekteýlerdi qabyldady. Osyǵan sáıkes Memlekettik qyzmet isteri jáne sybaılas jemqorlyqqa qarsy is-qımyl agenttiginiń Jambyl oblysy boıynsha departamentinde biraz ózgerister oryn aldy. Jumys sapaly, nátıjeli bolý úshin aldymen bilimdi, bilikti mamandar qajet. Qyzmetkerlerdi irikteý ońaı bolǵan joq.
Departament qataryna úmitkerlerdi, onyń ishinde tek ákimshilik memlekettik laýazymdarǵa ǵana emes, quqyq qorǵaý qyzmetin júzege asyratyn laýazymdarǵa da irikteý kezinde táýelsiz baqylaýshylardy shaqyrtyp, jarııalylyqpen, shynshyldyqpen ótkizýge barymyzdy saldyq. Aldaǵy ýaqytta jumys sybaılas jemqorlyqtyń nátıjesimen ǵana emes, onyń aldyn alýyna baǵyttalatyn bolady. Iаǵnı, sybaılas jemqorlyqtyń aldyn alý baǵytyndaǵy jumystardyń basym bóligin departament quramyndaǵy sybaılas jemqorlyqqa qarsy oqytý jáne qoǵammen ózara árekettesý qurylymdyq bólimi arqyly 9 baǵytta júzege asyrylmaq. Olardyń eń negizgisi sybaılas jemqorlyqqa qarsy oqytý jumystary jáne memlekettik organdarda jáne uıymdarda jemqorlyqtyń aldyn alý boıynsha sharalar qabyldatý baǵytyndaǵy jumys. Qoǵamdy dendegen, jeń ushynan jalǵasqan paraqorlyqpen kúresýdi jalǵyz quqyq qorǵaý organdaryna júktep qoıýǵa bolmaıdy. Bul dertpen siz bolyp, biz bolyp qarsy turýymyz qajet.
Maqsat QOJABAEV,
Memlekettik qyzmet isteri jáne sybaılas jemqorlyqqa qarsy is-qımyl agenttiginiń Jambyl oblysy boıynsha departament basshysy.
Jambyl oblysy.
