Foto: senate.parlam.kz
Qatardaǵy kitaphanashylardyń ortasha jalaqysy 125 000 teńgeni quraıtynyn jáne bul bilikti kadrlardyń atalǵan saladan ketýine sebep bolyp otyrǵanyn aıtqan senator: «Kitaphanalar kompıýterler men kóshirý-kóbeıtý tehnıkasymen nashar jabdyqtalǵan, kóbi eskirgen. Kóptegen kitaphanalardyń ǵımarattary uzaq jyldar boıy kúrdeli jóndeýden ótpegen. Arnaýly kitaphanalardaǵy, balalar, jasóspirimder, zaǵıp jáne nashar kóretinderge arnalǵan kitaphanalardyń jaǵdaıy kóńilden shyǵa bermeıdi. Múgedektigi jáne erekshe qajettilikteri bar adamdardyń kirýi jáne erkin júrýi óte qıyn. Pandýstar, ámbebap kabınasy bar sanıtarlyq toraptar, kólik quraldaryna arnalǵan turaq oryndary joq», dedi.
Sonymen qatar senatordyń aıtýynsha, qoljetimdi kitaptardyń kóbi eskirgen jáne oqyrmandardyń zamanaýı aqparattyq suranysyna sáıkes kelmeıdi. Qarjylandyrýdyń jetkiliksizdigine baılanysty kitap qoryn jyl saıyn jańartý isi sońǵy 20 jylda nebári 1,8%-dy qurap otyr. Avtorlyq quqyq týraly zańnyń normalary qazirgi avtorlardyń shyǵarmalaryn sıfrlyq formatta tolyq usynýǵa múmkindik bermeıdi, bul kitaptarǵa qoljetimdilikti shekteıdi.
«Kópshilik kitaphanalardyń 60,7%-y ǵana ınternet jelisine tolyqqandy qol jetkize alady. Osyǵan baılanysty, kitaphana salasyn jańǵyrtý, kitaphanalarǵa qatysty memlekettiń jaýapkershiligi men mindetterin aıqyndaý úshin «Kitaphana isi» týraly jeke zań qabyldaý qajet. Bilikti kadrlardy tartý jáne ustap qalý úshin kitaphanashylardyń jalaqysyn memlekettik deńgeıde kóterý kerek. О́ńirlik kitaphanalar qorlaryn tolyqqandy jáne ýaqytyly tolyqtyrý úshin Kitaphanalyq biryńǵaı ortalyq qurý kerek», dedi Senat depýtaty Nurtóre Júsip.
