Kollajdy jasaǵan – Qonysbaı ShEJIMBAI, «EQ»
17-chempıonat
Alǵash 1960 jyly bastalǵan dop dodasynyń tuńǵysh chempıony – KSRO fýtbol komandasy. Keıin Ispanııa quramasy (1964, 2008, 2012) men nemis fýtbolshylary (1972, 1980, 1996) ár qaısysy úsh dúrkin jeńimpaz atansa, eki dúrkin Eýropa chempıony ataný mártebesi Italııa (1968, 2020) jáne Fransııa (1984, 2000) quramalaryna buıyrypty.
Sondaı-aq dúbirli dodanyń kýbogin bir dúrkin kótergen memleketter: Portýgalııa (2016), Grekııa (2004), Danııa (1992), Nıderland (1988), Chehoslavakııa (1976) quramalary. Bul chempıonat Germanııada budan 36 jyl buryn bir dúrkin ótken edi. Bıyl 17-dúbirli doda ekinshi ret eldiń 10 stadıonda ótip dúrkirep ótip jatyr.
Ronaldýdyń sońǵy jarysy
Dál qazir 39 jastyń jalyna shyqqan portýgalııalyq ataqty aıaqdopshy Krıshtıaný Ronaldýdyń sońǵy chempıonaty. Bul jigit qazirgi tańda ózi qatysqan Eýropanyń tórt chempıonatynda (2004, 2008, 2012, 2016) torda týlatqan dop sanynan kósh bastap tur. Bul rekordy jýyq jyldary jańarýy qıyn, deıdi biletinder.
Eń jas top Ispanııa quramasy
Chempıonattyń taǵy bir jańalyǵy – Ispanııa quramasy oıynshylarynyń ortasha jasy – 20. Aıtalyq, oń qanattaǵy shabýylshy Lamıne Iаmal (Lamine Yamal) 16 jasta bolsa, qalǵan 9 fýtbolshy 23-25 jas aralyǵyndaǵy órender. Bul qurama aıaqdop jankúıerleri «ajal alańy» dep ataǵan «V» tobynda (Ispanııa, Italııa, Albanııa, Horvatııa) óner kórsetip jatyr.
Chempıonattyń júlde qory 331 mln eýro
Jeke-jeke taldap túsindirer bolsaq, toptyq kezeńge joldama alǵan ár komandaǵa 9,25 mln eýro syıaqy taǵaıyndalsa, toptyq oıyndaǵy jeńisi úshin 1 mln eýro, teń túsken jaǵdaıda 500 myń eýro, sońǵy tórttikke ilikken quramaǵa 2,5 mln eýro, jartylaı fınaldyq oıyn jeńimpazdaryna 4 mln eýro, ekinshi oryn úshin 5 mln eýro, al chempıon tuǵyryna kóterilgen komanda 8 mln eýro syılyqqa ıe bolady.
