Foto: istockphoto.com
Kóptegen mamandyqtar úshin kolledjge qabyldaý GPA negizinde júrgiziledi. Avtomattandyrylǵan aqparattyq júıe úmitkerlerdiń reıtıngin mindetti jáne beıindik pánder boıynsha ortasha konkýrstyq balǵa sáıkes júrgizedi.
Pedagogıkalyq mamandyqtar úshin, sondaı-aq óner jáne mádenıet salasyndaǵy mamandyqtar úshin shyǵarmashylyq nemese arnaıy emtıhandar qarastyrylǵan. Medısınalyq mamandyqtar úshin úmitkerler psıhometrııalyq testileýden ótip, konkýrsqa qatysýǵa ruqsat alýy kerek.
Jeńildikpen oqýǵa halyqtyń áleýmettik osal toptarynyń, onyń ishinde I jáne II toptaǵy múgedek balalar, kópbalaly jáne tolyq emes otbasylardaǵy, jetim balalar men ata-anasynyń qamqorlyǵynsyz qalǵan balalar, sondaı-aq aýyl jastarynan shyqqan talapkerler oqýǵa túse alady. Ol úshin tıisti rastaıtyn qujattardy usyný qajet.
Qabyldaý úshin qajetti qujattar:
- kandıdattyń ata-anasynyń bireýiniń nemese zańdy ókilderiniń elektrondyq sıfrlyq qoltańbasy qoıylǵan elektrondyq qujat nysanyndaǵy ótinishi;
- bilimi týraly qujattyń elektrondyq kóshirmesi;
- № 075-Ý nysanyndaǵy medısınalyq anyqtamalardyń elektrondyq kóshirmeleri.
О́lshemi 3h4 sm sıfrlyq fotosýret pen ótinish berýshiniń jeke basyn kýálandyratyn qujat týraly málimetterdi memlekettik aqparattyq júıelerden «Elektrondyq úkimet» arqyly alady.
