Shettegi baýyrlardy bir shańyraq astyna jınaıtyn jobany jyl saıyn Syrtqy ister mınıstrligine qarasty «Otandastar qory» KeAQ jáne IQanat qory uıymdastyrady. Osyǵan deıin jazǵy etnolagerge 400-den asa qandas bala qatyssa, bıyl Reseı, Mońǵolııa, О́zbekstan, Qyrǵyzstan, Qytaı, Ońtústik Koreıa jáne Iran elinen 255 etnostyq qazaq kelgen.
– Bıyl tórtinshi ret uıymdastyrylyp otyr. Etnolager Býrabaı tórinde «IQanat High School of Burabay» mektebi bazasynda 24 maýsym jáne 7 shilde aralyǵynda ótedi. Mundaǵy basty maqsat – ár elden kelgen qazaq dıasporasynyń balalary arasynda dostyq qarym-qatynas ornatý. Sondaı-aq atajurtpen baılanysyn nyǵaıtý, memlekettik tildi keńinen nasıhattaý, ulttyq qundylyqtarymyzdy dáripteý, balalardyń bolashaǵyn Qazaqstanmen baılanystyrýǵa yqpal etý. Qatysýshylardyń basym bóligi Mońǵolııa, Reseı, О́zbekstannan keldi, – deıdi «Otandastar qory» KeAQ sheteldegi otandastarmen jumys departamentiniń konsýltanty Lashyn Janarbek.
Etno-lagerge qatysýshylar ártúrli baıqaýdan ótip, iriktelip alynǵan. Olardyń arasynda óz elinde qazaqtyń atyn shyǵaryp, bilim, ǵylym, sportta úzdik tanylǵan qarakóz qandastarymyz bar. Oǵan qosa tótenshe jaǵdaı kezinde qazaqstandyq dostaryna kómek qolyn sozǵan mońǵolııalyq qazaq balalary da bar.
– Maǵan el ordasy Astana qalasy qatty unady. Qazir etno-lager oryn tepken Býrabaı da tumsa tabıǵaty men saf aýasy, orman-toǵaıy, saıraǵan qustarymen baýrap aldy. Lagerdiń ishki qurylymy, júıesi oıdan shyqty. Atajurtqa kelip, jańadan dostar taptym, – deıdi Mońǵolııadan kelgen 16 jastaǵy Nurmuhammed Qudaıbergen.
