Kezdesý ECECACD-men aqparat almasýdaǵy yntymaqtastyqty nyǵaıtýǵa jáne nashaqorlyqqa, esirtki saýdasyna qarsy kúrestegi úzdik tájirıbelerdi bólisýge arnaldy.
Q.Toqaev esirtki quraldaryn óndirý men zańsyz satýǵa qatysy bar adamdardy jazalaýdy qatańdatý maqsatynda zańnamany qaıta qaraý qajettigin atap ótti. Bul týraly ol III Ulttyq quryltaıdaǵy sózinde málimdegen bolatyn.
О́z kezeginde A.Kvasnevskıı esirtkige qarsy saıasattyń tıimdiligin arttyrýǵa baǵyttalǵan jańa baǵdarlamalar men sharalardy tanystyrdy. Eki tarap nashaqorlyqtyń aldyn alý jáne esirtkiniń zańsyz taralýyna qarsy kúres boıynsha birlesken jumystardy qolǵa alýǵa kelisti.
Vızalyq rásimder jeńildetiledi
Qazaqstan men Eýropalyq odaq vızalyq rásimderdi jeńildetý boıynsha kelissóz bastady. Atalǵan jańalyqty Eýroodaqtyń sanksııalar jónindegi halyqaralyq arnaıy ýákili Devıd O’Sallıvan Qazaqstanǵa sapary kezinde habarlady. Ol sondaı-aq EO-nyń Qazaqstanmen qarym-qatynasy belsendi damyp kele jatqanyn atap ótti.
– EO Qazaqstannyń áleýetti saýda seriktesi jáne tikeleı sheteldik ınvestısııalardyń qaınar kózi bolyp esepteledi. Biz mańyzdy strategııalyq seriktestik ornattyq. Osy áriptestik aıasynda ekonomıkalyq yntymaqtastyqty damytyp, ilgeriletýge kúsh salamyz, – dedi Devıd O’Sallıvan.
Sonymen qatar arnaıy ýákil vızalyq rejimdi jeńildetý boıynsha atqarylyp jatqan jumystar týraly baıandady. Eger bul is sátti júzege assa, yntymaqtastyq odan ári nyǵaıa túspek.
5G uıaly baılanysy engiziledi
Sıfrlyq damý, ınnovasııa jáne aeroǵarysh ónerkásibi mınıstri Jaslan Mádıevtiń aıtýynsha, keler jyldyń sońyna deıin Qazaqstan 5G uıaly baılanysyna qosylýy múmkin.
– Memleket basshysynyń tapsyrmasyna sáıkes, 5G uıaly baılanysyn engizý 2025 jyldyń sońyna deıin aıaqtalýǵa tıis. Tutastaı alǵanda, 2027 jyldyń sońyna deıin uıaly baılanys operatorlary telekommýnıkasııa salasyna 450 mlrd teńgeden astam (shamamen 980 mln dollar) ınvestısııa jasaıtyn bolady, – dedi mınıstr.
5G tehnologııasyn odan ári damytýǵa qatysty «Ksell» jáne «Tele2» operatorlary Astana, Almaty, Shymkent qalasynda jáne oblys ortalyqtarynda jumys atqarady. Qazir Qazaqstannyń 20 qalasynda 1 144 bazalyq stansa ornatylǵan. 2020 jylǵa qaraǵanda respýblıkada trafık 61,5%-ǵa, al abonentter sany 12,9%-ǵa ósken.
«Speedtest Ookla» málimeti boıynsha, 2024 jyly sáýirde Qazaqstandaǵy baılanystyń ortasha jyldamdyǵy 43,6 Mbıt/s-ny qurap, álemde 66-orynda tur. Bul kórsetkish Reseıge, Qyrǵyzstan men О́zbekstanǵa qaraǵanda joǵary.
– Elimizde 6 290 aýyl bar, onyń ishinde symdy ınternet 2 606 aýylǵa jetkizilgen. Ulttyq joba sheńberinde baılanystyń optıkalyq jelilerin 3010 aýylǵa qosý kózdelip otyr, – dedi J.Mádıev. – Mobıldi ınternet Qazaqstannyń 4866 aýylynda qoljetimdi. Salyqtyq jeńildikter aıasynda 2023 jyly 1161 aýyl 4G tehnologııasyna qosylǵan. Qalǵan 1424 aýylǵa qatysty jumystar jalǵasyp jatyr.
Orta dálizdi damytý mańyzdy
Qazaqstan Senaty túrki elderi arasyndaǵy Transkaspıı halyqaralyq kólik baǵdaryn (Orta dáliz) jáne aralas júk tasymalyn damytýǵa baǵyttalǵan birqatar halyqaralyq kelisimdi ratıfıkasııalady.
Qujattardyń biri eki el aýmaǵy boıynsha konteınerlik poıyzdarmen tasymaldaýdy ulǵaıtý jáne júk tasymaldaýdyń jyl saıynǵy boljamdaryn daıyndaýdy kózdeıdi. Basqa kelisim Orta dáliz baǵyttarynda avtomobıl, temir jol jáne teńiz kólik túrlerin tıimdi paıdalanýǵa negizdelgen.
– Barlyq qujattyń negizgi mindeti – halyqaralyq júk tasymaly rásimderin jeńildetý jáne tranzıttik-kóliktik áleýetti, halyqaralyq saýda-ekonomıkalyq qatynastardy odan ári nyǵaıtý úshin qolaıly jaǵdaı jasaý, – dep jazylǵan Parlament Senatynyń habarlamasynda.
2024 jyldyń alǵashqy 4 aıynda Orta dáliz boıynsha júk tasymaldaý kólemi ótken jylmen salystyrǵanda 14%-ǵa ulǵaıyp, 1,4 mln tonnany qurady. Al 2023 jyly júk tasymaldaý kólemi 2022 jylmen salystyrǵanda 65%-ǵa ulǵaıyp, 2,7 mln tonna bolǵan.
Transkaspıı halyqaralyq kólik marshrýty Qytaı, Qazaqstan, Kaspıı teńiziniń akvatorııasy, Ázerbaıjan, Grýzııa jáne odan ári Túrkııa men Eýropa elderine ótedi.
