foto: alataugazeti.kz
Jumys sapary kezinde depýtattar «Almaty – Bishkek» tasjolynyń ahýalyna jáne «Almaty – Astana» jolynda ornalasqan Shamalǵan stansasyndaǵy temirjol ótkeliniń qurylysyna erekshe nazar aýdardy. Senatorlar atqarylyp jatqan jumysqa qaramastan sheshimin tappaı kele jatqan birqatar másele bar ekenin atap ótti. Statıstıkaǵa sáıkes jyl basynan beri respýblıkalyq mańyzy bar joldarda 109 aqaý anyqtalǵan. Olardyń 82-si keshendi jumysty talap etedi.
«О́kinishke qaraı, elimizdegi respýblıkalyq mańyzy bar joldar men ishki joldardyń sapasy syn kótermeıdi. Bul – jergilikti turǵyndarmen kezdesý kezinde jıi kóteriletin problemalardyń biri. Kegen, Raıymbek aýdandaryndaǵy respýblıkalyq mańyzy bar trassalardaǵy túıtkilder áleýmettik jelilerde de qyzý talqylanyp jatady. Bir jyl ótpeı jatyp, joldyń asfalt jabyny tolyǵymen buzyldy. Bul másele tıisti mınıstrliktermen birge talqylandy. Onda Qazaqstan jol ǵylymı-zertteý ınstıtýtynyń qyzmetkerleri qum-qıyrshyq tas qospasynyń paıdalanylatyn nusqalary elimizdiń Ulttyq standartyna saı kelmeıtinin aıtty», dedi Janbolat Jórgenbaev.
Sonymen qatar senatorlar joldardy jóndeý jáne kútip ustaý kezinde paıdalanylatyn jumystar men materıaldardyń sapasyna saraptama júrgiziletin Ortalyq zerthanasynyń jumysymen tanysty. Buǵan qosa, kásiporyn ujymymen aldaǵy mańyzdy mindetterdi talqylady.
