Kınologııalyq qyzmet ortalyǵynyń qyzmetkeri Azamat Orazqanov pen onyń «Felıks» atty qyzmettik ıti daıyndyqtyń joǵary deńgeıin kórsetip, joǵalǵan balany sanaýly ýaqyt ishinde jaqyndarymen qaýyshtyrdy. «Felıks» – nemis ovcharkasy. Quqyq qorǵaý salasyndaǵy alǵyrlyǵymen tanylǵan aqyldy janýar. Elordanyń kınologııalyq qyzmetindegi joly kúshik kezinen bastalǵan. Osy eki jyl ishinde onyń kómegimen joǵalǵan 20-ǵa jýyq azamat óz otbasyna aman-esen oralǵan. Sońǵy oqıǵada da tórt aıaqty kómekshiniń kúsh-jigeriniń arqasynda joǵalǵan bala aman-esen tabylǵany qýantty.
