Foto: UQK
Ulttyq qaýipsizdik komıtetiniń habarlaýynsha, 21 maýsymda Mańǵystaý oblysynda 10 keli gashısh ótkizý kezinde Qazaqstannyń eki azamaty ustaldy. Tintý kezinde olardan 50 g apıyn, 4 000 AQSh dollary jáne 4 mln teńgeden astam qarajat tárkilendi.
«Túzeý mekemesinde otyrǵan shetel azamaty esirtki arnasyn uıymdastyrdy degen kúdikke ilindi. Onyń joıylǵan esirtki arnasyna qatystylyq faktisi Qyzylorda oblysy boıynsha QAJD-nyń kómegimen qujattaldy», dep habarlady UQK baspasóz qyzmeti.
Atalǵan fakti boıynsha QR Qylmystyq kodekstiń 297-babynyń 3-bóligi boıynsha sotqa deıingi tergep-tekserý júrgizilip jatyr.
Qylmystyq-prosestik kodekstiń 201-babynyń 1-bóligine sáıkes ózge aqparat jarııa etilmeıdi.
