Foto: Qyzylorda oblysy ákimdigi
Qamshybek Qońqabaev Qytaıdyń Hanchjoý qalasynda ótken HIH Jazǵy Azııa oıyndarynda kúmis júldeger atanyp, Parıj olımpıadasyna joldama jeńip alǵan edi. Qyzylorda oblysynyń ákimi Nurlybek Nálibaev sportshydan tórtjyldyqtyń basty básekesine daıyndyǵyn surady.
«Olımpıada oıyndaryna qatysyp, jeńis tuǵyrynan kóriný – ár sportshynyń armany. Bul – eńbeksúıgishtiktiń, patrıotızm men óz kúshine degen senimniń úlgisi. Chempıondarymyzǵa qarap, myńdaǵan jastyń sportqa degen qulshynysy artady. Búgingi kezdesýdiń basty maqsaty – eldiń ystyq yqylasy men tilegin jetkizý. Arqa súıeıtin, tileýińdi tileıtin qalyń elińniń, jerlesterińniń atynan ózińdi qoldaý ári yntalandyrý úshin arnaıy syı-sııapat jasap, baspana kiltin tabystaýdy jón kórdik», dedi Nurlybek Nálibaev.
Jańa páter ıesi de óz kezeginde Parıj olımpıadasynda jeńis tuǵyrynan kórinýge kúsh salatynyn aıtty.
