Foto: ınstagram / @kair_n
Astana qalasynyń ákimshilik quqyq buzýshylyq jónindegi mamandandyrylǵan aýdanaralyq soty ánshige qatysty ákimshilik jaza qoldanylǵannan keıin bir jyl ishinde qaıtalap jasalǵan usaq buzaqylyq (ÁQBtK-niń 434-babynyń 2-bóligi) jáne densaýlyqqa qasaqana jeńil zııan keltirý (Ákimshilik quqyq buzýshylyq týraly kodekstiń 73-1-babynyń 1-bóligi) faktileri boıynsha ákimshilik isti qarady.
«ÁQBtK-niń 73-1-babynyń 1-bóliginiń sanksııasy 15 AEK mólsherinde aıyppul salý nemese 15 táýlikke deıin ákimshilik qamaqqa alý túrindegi jaýapkershilikti qarastyrady. 434-baptyń 2-bóliginiń sanksııasy 15-ten 30 táýlikke deıingi merzimge ákimshilik qamaqqa alý túrindegi jaýapkershilikti kózdeıdi», delingen Joǵarǵy sottyń baspasóz qyzmeti taratqan habarlamada.
Sot qaýlysymen ánshi 15 táýlik merzimge ákimshilik qamaýǵa alyndy. Qaýly zańdy kúshine engen joq.
Aıta keteıik, BAQ málimetinshe ánshi ushaq bortynda sózge kelip qalyp, janjal kezinde basqa jolaýshynyń densaýlyǵyna qasaqana jeńil zııan keltirgen.
