Pavlodar qalasynyń № 2 sotynda er adam áıelge qatysty QK 120-babynyń 1-bóligi, QK 107-babynyń 1-bóligi boıynsha zorlaý jáne densaýlyqqa qasaqana aýyrlyǵy ortasha zııan keltirdi degen aıyppen qylmystyq is qaraldy.
«Aıyptalýshy men jábirlenýshi alty aı boıy kezdesken. Jaldamaly páterdegi kezekti kezdesýde olardyń arasynda janjal týyndaǵan. Sol ýaqytta aıyptalýshy áıel adamnyń basy men denesine soqqylar jasap, qulaǵannan keıin ony tunshyqtyra bastaǵan. Jábirlenýshi aýrýhanaǵa jetkizilgennen keıin quqyq qorǵaý organdaryna júgindi», - delingen sottyń habarlamasynda.
Sottyń densaýlyqqa zııan keltirý jónindegi aıyptaý bóligindegi sheshimi boıynsha QIJK-niń 340-baby tártibimen prokýrorǵa asa aýyr jańa aıyptaý aktisin jasaý úshin ýaqyt berildi. Sot jańa akt jasalmaý sebebimen isti aıyptaý sheginde qarastyra kele, densaýlyǵyna qasaqana ortasha zııan keltirgeni úshin kináli dep tapty.
Sondaı-aq, qarama-qaıshy aıǵaqtar, saraptamalardyń teris nátıjeleri boıynsha zorlaý aıyby óziniń rastaýyn tappaǵandyqtan, aqtaý týraly sheshim qabyldandy.
Sot aıyptalýshynyń mas kúıinde qylmys jasaý ári jeke basynyń teris sıpattamasyn eskere otyryp, QK-niń 1-bóliginiń 107-babyna sáıkes eki jylǵa bas bostandyǵynan aıyrý boıynsha maksımaldy jaza taǵaıyndady.
Aıta keteıik, úkim zańdy kúshine engen joq. Sol sebepti, taraptar atalǵan qylmys boıynsha shaǵymdanýy, narazylyq bildirýi múmkin.
