13 shildede Italııanyń Qazaqstandaǵy elshisi Albertı Markonyń, sondaı-aq QR KM Azamattyq avıasııa komıteti halyqaralyq baılanystar bóliminiń basshysy Ádilet Maıbasaruly Kóbenovtyń qatysýymen Mılan-Astana reısiniń resmı ashylýy saltanatty túrde ótti, dep málimdedi Nursultan Nazarbaev halyqaralyq áýejaıy.
- NEOS avıakompanııasynyń reısteri Boeing 787 Dreamliner ushaǵynda oryndalady. Bul jolaýshylarǵa Mılannan Qazaqstannyń astanasyna jáne keri baǵytqa jyldam ári jaıly saıahattaýǵa múmkindik beredi, – dep tolyqtyrdy áýejaı.
Shara qonaqtary eki astana arasynda tikeleı áýe qatynasynyń ashylýy saýda-ekonomıkalyq, mádenı-gýmanıtarlyq baılanystar men týrızmdi damytýǵa septigin tıgizetinin atap ótti. NEOS avıakompanııasymen yntymaqtastyq Qazaqstannyń azamattyq avıasııasy jáne kólik-logıstıkalyq salasynyń damýyna oń áser etedi.
