Kóktemgi qyzyl sýdyń áserinen búlingen jer bútindelip, tazartylyp jatyr. Qazir qaı tarapqa qarasań da uqypty qoldyń taby anyq baıqalady. Bir jaqsysy, jerlesterimizdiń týǵan tabıǵatqa, ózderi turyp jatqan súıikti qalalarynyń kórkine degen ystyq yqylasy eselene tústi.
Aksııa barysynda belsendi jastardyń is-qımyly aıryqsha baıqaldy. Jastar qala turǵyndarymen birlese otyryp, 3 tonnadan asa qoqys shyǵardy. Belsendilerdiń berile istegen is-qımyldary arqyly jasyl jelek jamylǵan oblys ortalyǵy ózgeshe keıipke enip, sulýdaı sylanyp tur. Aldaǵy ýaqytta tabıǵat janashyrlary kóktemde qyzyl sý jaıylyp ketken Qylshaqty ózeniniń boıyn tazartpaq. Qalanyń osy bóligindegi jer úılerdi, mektepti, balabaqshany sý basyp qalǵan edi. Odan beri de bul aımaq birshama tazartylyp, óńi kirip qalǵan. Jigerli jastar osy aımaqty taǵy da muntazdaı etip tazalap shyqpaq.
Qala kórkine kóp-kórim úles qosqan is-sharany oblystyq jastar resýrstyq ortalyǵy, volonterlerdi qorǵaý ortalyǵy front-keńsesi uıymdastyryp, ıgi iske uıytqy bolyp jatyr.
Kókshetaý
