Aımaqtar • 18 Shilde, 2024

Qyzylordada jańa sý nysandary salynady

250 ret

kórsetildi

1 mın

oqý úshin

Qyzylorda oblysy Aral aýdanyndaǵy Aqshataý jáne Qamystybas kólderine sý jınaý úshin Sý resýrstary jáne ırrıgasııa mınıstrligi Amanótkel aýylynyń janynda sý torabyn salýdy josparlap otyr. Sondaı-aq Qaraózek kanalynda jańa sý qoımasyn salýǵa nıetti, dep habarlaıdy Egemen.kz mınıstrliktiń baspasóz qyzmetine silteme jasap.

Qyrmyzy JUMAǴALIQYZY

Foto: Sý resýrstary jáne ırrıgasııa mınıstrliginiń baspasóz qyzmeti

Mundaı jospardy Qyzylorda oblysynyń turǵyndarymen kezdesý barysynda Sý resýrstary jáne ırrıgasııa mınıstri Nurjan Nurjigitov málim etti.

Budan bólek, mınıstrlik Jıdeli sý qoımasy men Qyzylorda sý torabyn keshendi rekonstrýksııalaýdy josparlap otyr.

Al 2025-2026 jyldary Jańaqorǵan aýdanyndaǵy «Kelintóbe» magıstraldyq kanaly men Shıeli aýdanyndaǵy Sulýtóbe aýyldyq okrýgine Syrdarııa ózeninen sý jiberý úshin qosymsha kanaldar salý kózdelgen.

«Bul is-sharalar oblystyń aýyl sharýashylyǵyn sýarmaly sýmen neǵurlym tıimdi qamtamasyz etý úshin jáne óńirdiń sý nysandaryn saqtaýǵa qajet», dedi Sý resýrstary jáne ırrıgasııa mınıstri Nurjan Nurjigitov.