Almaty.tv jazǵandaı, ol jazasyn qylmystyq atqarý júıesiniń ortasha qaýipsiz mekemesinde óteıdi. Sýdıa eks-sheneýnikti ómir boıyna memlekettik qyzmette jumys isteý quqyǵynan aıyryp, úsh kóligi men Almaty qalasyndaǵy páterin memleket menshigine tárkileý týraly úkim shyǵardy.
Jetisý oblystyq sotynyń málimetinshe, Joldyhanov qaramaǵyndaǵy býhgalter men sybaılastarynyń memleket qarjysyn urlaǵanyn anyqtap, olardyń qylmystyq áreketin jasyrý úshin 380 mln teńge suraǵan. Olar 200 mıllıon teńgeni kólik júrgizýshisi arqyly bergen.
Basshy paranyń qalǵan somasyn talap etkende esepshi quqyq qorǵaý organdaryna júginip, sheneýnik taǵy 80 mln teńge alý kezinde qolǵa tústi.
– Joldyhanov QR QK-nyń 24-babynyń 3-bóligi, 366-babynyń 4-bóligimen kózdelgen qylmystyq quqyq buzýshylyqty jasaǵany úshin kináli dep tanylyp, qylmystyq jolmen tabylǵan qarajatqa satyp alynǵan múlki tárkilenip, 11 jylǵa bas bostandyǵynan aıyrý jazasy taǵaıyndalyp, jazasyn qylmystyq atqarý júıesiniń ortasha qaýipsiz mekemelerinde óteý belgilensin, – dedi sýdıa Ádilet Baqytov.
– Oqtalý deısizder de, biraq 11 jylǵa sottap otyrsyzdar. Qalaı túsinýge bolady? Meniń tarapymnan jasalǵan jumysty nege eskermedińizder? Kim tekserdi? Prokýror myrza, tekserdińiz be? Boljaýmen ǵana sottap otyr, – dedi sottalýshy Jandos Joldyhanov.
