foto: senate.parlam.kz
Osyndaǵy «Teris-Ashybulaq» sý qoımasy – nazar aýdarýdy qajet etetin negizgi nysandardyń biri. 1963 jyly paıdalanýǵa berilgen, sekýndyna 36 tekshe metr sý ótkize alatyn sý qoımasynyń 158,6 mıllıon tekshe metr sý jınaý múmkindigi bar. Degenmen qazirgi ýaqytta sý qoımasy shuǵyl túrde qaıta jańǵyrtýdy qajet etedi.
Senator aýdan turǵyndarymen kezdesý barysynda osyndaǵy aýyldarǵa sapaly aýyzsý jetkizýge basa nazar aýdardy. Turǵyndar ótken jyly aýyzsý máselesi asa ótkir turǵan Túktibaı jáne Aqtóbe aýyldaryna taza sý qubyryn jetkizý maqsatynda jobalyq-smetalyq qujattar ázirlengeni týraly málimdedi.
«Biz óńirdegi ınfraqurylymdy jaqsartýǵa, onyń ishinde aýyl turǵyndaryn sapaly aýyzsýmen qamtamasyz etýge qatysty barlyq máseleni nazarda ustaıtyn bolamyz. «Teris-Ashybulaq» sý qoımasyn jańǵyrtý jáne Túktibaı men Aqtóbe aýyldaryna sýmen jabdyqtaý júıesin salý birinshi kezektegi mańyzǵa ıe. Turǵyndardyń kúndelikti ómiri úshin taza aýyzsý – strategııalyq resýrs ekeni belgili. Jergilikti atqarýshy organdar osy máseleni baqylaýda ustap, búkil jumysty ýaqtyly jáne sapaly oryndaý úshin barlyq kúsh-jigerin jumsaýy kerek», dedi senator.
Depýtat sondaı-aq M.Áýezov atyndaǵy orta mekteptiń qosymsha qurylysymen de tanysty. Mektepke qosymsha qurylys salýǵa bıýdjet qarjysy bólingen bolatyn, ol jańa ǵımarat salýǵa ǵana emes, eski mektepti kúrdeli jóndeýge de múmkindik beredi.
