Foto: Polisia.kz
45 jastaǵy turǵynǵa qatysty veıpterdi satý faktisi boıynsha sotqa deıingi tergeý amaldary bastalǵan. Kúdikti óz kinásin tolyq moıyndaǵan.
Polıseıler osy jyldyń 20 maýsymynan bastap Qazaqstanda shegilmeıtin temeki ónimderiniń, elektrondy tutyný júıeleriniń (veıpterdiń), olar úshin hosh ıistendirgishter men suıyqtyqtardyń aınalymyna tyıym salynǵanyn eske saldy. Olardy óndirý, ákelý, satý jáne taratý qazirgi tańda qylmystyq jaýapkershilikke ákep soǵatynyn atap ótti.
«Buryn osyndaı ónimderdi satqan kásipkerlerdi taýardy joıý boıynsha is-sharalar júrgizýge jáne óz bıznesin qaıta baǵdarlaýǵa shaqyramyz», dep bıznes-qoǵamdastyqqa ótinish bildirdi PD esirtki qylmysyna qarsy is-qımyl basqarmasynyń bastyǵy Álim Bajyqbaev.
Aıta keteıik, mundaı tyıym salynǵan ónimderdi satý jáne taratý 200 AEK-ke deıingi mólsherde aıyppul salýǵa ne túzeý jumystaryna ne 200 saǵatqa deıingi merzimge qoǵamdyq jumystarǵa tartýǵa ne 50 táýlikke deıingi merzimge qamaýǵa alý túrindegi jaza qarastyrylǵan.
