Suranysqa ıe táttiler

Onyń ishinde 359 kásiporyn óńdeý óndirisimen aınalysady. Aımaqta negizinen mashına jasaý, jeńil ónerkásip, metallýrgııa, azyq-túlik óndirý jáne metall emes ónimderdi óndirý salalary qarqyndy damyp keledi. Osy oraıda oblys ortalyǵy Semeı qalasynda ornalasqan «Kondiz» kondıterlik fabrıkasyn aıyryqshalap aıtýǵa bolady. 2013 jyly ashylǵan fabrıka aımaqtaǵy jetekshi kondı­ter­lik óndirýshilerdiń birine bala­nady. Kásiporynda 200-ge tarta qyzmetker jumys isteıdi. Zamanaýı qondyrǵylarmen jasaqtalǵan óndiris oshaǵynan jylyna 22 000 tonna ónim shy­ǵarylady. О́nimder ishki naryqqa jiberiledi, sonymen qatar TMD elderine, atap aıtqanda Grýzııa, Qyrǵyzstan, О́zbekstan, Reseıge jáne Qytaıǵa eksporttalady. Osy bastama unnan jasal­ǵan kondıterlik ónimderdi óndirý­shiler arasynda «Kondiz» fabrı­kasynyń jetekshi orynǵa shyǵýǵa múmkindik berip, óndiris­tiń ór­ken­deýine jaǵdaı týǵyzyp jatyr.

О́ndiris ornynda ornatylǵan nemis kompanııasynyń «Werner & Pfeiderer» tehnologııalyq jab­dyqtarynyń kómegimen qazirgi ýaqyt­ta 100-den astam túrli pechene shyǵarylady. Ár ónim kásip­oryn zerthanasynda muqııat baqylaýdan ótedi.

«Biz úshin qyzmetkerler­diń kási­bı jáne jeke damýy, árqaı­sy­sy­nyń eńbek úlesin ádil baǵalaý jáne básekege qabiletti eńbekaqy tóleý, pikirlester komandasyn qalyptastyrý, saqtaý mańyzdy. О́z tobymyzdy daryndy mamandarmen tolyqtyrýǵa árda­ıym daıynbyz. Bizge jańa jaǵ­daılarǵa beıimdele alatyn, maq­satqa umtylatyn jáne jaýapty, jumys pen jeke ómir arasynda aqyl­ǵa qonymdy ymyra taba ala­­tyn qyzmetkerler qajet», deı­di «Kondiz» kon­dıter­lik fab­rı­­ka­­synyń dırektory Mıras Shári­pov.

Fabrıkada qyzmetkerlerdiń biliktiligin arttyrý, qaýipsizdik tehnıkasy jáne eńbekti qorǵaý boıynsha oqytý trenıngteri men semınarlar jıi uıym­das­tyrylady. Mundaı ıgi is-sharalar uıymshyl ujymnyń qalyp­ta­sýyna septigin tıgizip otyr deıdi Mıras Janarbekuly.

Jyl saıyn jańa óris ta­ýyp, tyń ıdeıalardy quptaıtyn jumys ornynda qyzmetkerlerge bar­­lyq áleýmettik jaǵdaı jasalǵan. Qyz­mettik kólikpen qamtamasyz etilgen. Sonymen birge óz ónim­derin satyp alǵan jaǵdaıda je­ńil­­­dikter de qarastyrylǵan.

Abaı oblysy