Qalalyq polısııa basqarmasyna keshki ýaqytta jergilikti turǵyn aryzdanyp kelgen.
Áıeldiń aıtýynsha, kúndizgi saǵat 12:00 shamasynda qyzy úıinen shyǵyp ketip, sodan habarsyz ketken. 13 jastaǵy jasóspirim qyzdy anasy óz betinshe izdeýden esh nátıje shyqpaǵan soń polısııa qyzmetkerlerinen kómek suraǵan.
Polıseıler aqparat alysymen birden izdeý jumysyna kirisken. Tártip saqshylary táýlik ishinde qyzdyń júrgen jerin anyqtap, ony saıabaqta dostarymen qydyryp júrgen jerinen tapty. Jas qyz anasyna uıaly telefon alyp bermegeni úshin renjisip, úıinen shyǵyp ketken. Sodan dostarynyń úıinde túnegeni belgili boldy.
- Jasóspirim aman-esen anasyna tapsyryldy. Izdeýge atsalysqan polıseılerge qala turǵyny alǵysyn bildirdi. Sonymen qatar úıinen sebepsiz qashyp ketken qyz ben onyń anasyna profılaktıkalyq áńgimelesý júrgizildi, - delingen oblystyq PD habarlamasynda.
