Almaty qalasy Kommýnaldyq ınfraqurylymdy damytý basqarmasy 2024 jyly 29 shilde men 7 tamyz aralyǵynda "Almaty jastary" baǵdarlamasy aıasynda turǵyn úı satyp alýǵa qajetti jeńildetilgen nesıe alý úshin 35 jasqa deıingi jastardan ótinim men qujat qabyldaýdyń bastalǵany týraly habarlaıdy.
Baǵdarlamaǵa qatysý úshin ótinimdi saıty arqyly berýge bolady. Bul úshin elektrondyq sıfrlyq qoltańba (ESQ) qajet.
Baǵdarlama aıasynda nesıe berý sharttary:
Qaryzdyń eń joǵary somasy – 18 mıllıon teńgege deıin;
Paıyzdyq mólsherleme – 5 paıyz;
Bastapqy jarna – 10 paıyz;
Bastapqy jáne qaıtalama turǵyn úı alý múmkindigi;
Qamtý – eń kemi 1200 adam.
Qatysýǵa qoıylatyn negizgi talaptar:
Qazaqstan Respýblıkasynyń azamattyǵy;
О́tinim berý kezinde ótinish berýshiniń jáne jubaıynyń (bar bolsa) Almaty qalasynda turaqty tirkeýi bolýy;
О́tinim berý kezinde qatysýshy 35 jasqa tolmaýy kerek, al jubaıynyń (bar bolsa) jasy esepke alynbaıdy. Baǵdarlamaǵa negizgi qatysýshy retinde erli-zaıyptynyń bireýi ǵana qatysa alady;
Qatysýshynyń jáne onyń otbasy múshesinde menshik quqyǵynda turǵyn úıdiń, sondaı-aq Qazaqstan Respýblıkasynyń aýmaǵynda sońǵy 5 jyl ishinde turǵyn úı jaǵdaıynyń ádeıi nasharlaýy faktisiniń bolmaýy.
Qatysýshynyń Almaty qalasynda eń kemi sońǵy 6 aı boıy mindetti zeınetaqy aýdarymy bar jumys ótili bolýy qajet. Atap aıtqanda, densaýlyq saqtaý, bilim berý, mádenıet, sport, JOO-lar jáne ǴZI, jýrnalıster, áleýmettik sala, quqyq qorǵaý organdary, qalalyq kommýnaldyq qyzmetter jáne "Jumys isteıtin jastar" baǵdarlamasy boıynsha jaldaýshylary (2019 jyly jeltoqsan).
