Bas esepshige qylmystyq kodekstiń 189-baby 4-bóliginiń 2-tarmaǵymen (Bótenniń senip tapsyrǵan asa iri mólsherdegi múlkin ıelený jáne talan-tarajǵa salý) aıyp taǵyldy.
Sot materıaldaryndaǵy málimetke súıensek, sottalýshy mekteptiń bas esepshisi laýazymyn atqaryp júrip, 2021-2023 jyldar aralyǵynda belgilengen eńbekaqy somasynan artyq mólsherdegi qarajatty óziniń shotyna aýdaryp otyrǵan. Osylaısha ol ózine senip tapsyrylǵan 64 295 513 teńge, ıaǵnı asa iri mólsherdegi memlekettiń aqshasyn jymqyrǵan. Qazirgi tańda keltirilgen shyǵyn ótelmegen.
Sottalýshynyń kinási dáleldendi. Ol óz kinásin moıyndaǵan.
- Sot úkimimen ol kináli dep tanylyp, oǵan 8 jylǵa bas bostandyǵynan aıyrý jazasyn taǵaıyndaldy. Sottalýshy ómir boıyna memlekettik qyzmette atqarý quqyǵynan aıyryldy, - delingen qalalyq sot málimetinde.
Úkimi zańdy kúshine engen joq.
