Foto: Ashyq derekkóz
Aqtóbe oblysynyń polıseıi úılený toıdan keıin mas kúıinde kólik tizginine otyryp, rýlge ıe bola almaı, eki adamdy qaǵyp ketken. Saldarynan 25 jáne 26 jastaǵy erli-zaıyptylar oqıǵa ornynda kóz jumǵan.
Aqtóbe oblystyq polısııa departamentiniń baspasóz qyzmeti qaıǵyly oqıǵaǵa polısııa qyzmetkeriniń qatysy baryn rastady.
«Jol kólik oqıǵasy boıynsha sotqa deıingi tergeý júrgizilip, júrgizýshi qamaýǵa alyndy. Qyzmettik tekserý júrgizildi, onyń nátıjeleri boıynsha qyzmetkerdiń basshysymen birge barlyǵy 7 qyzmetker jumysynan bosatyldy», dep habarlady polısııa.
