Mýzeı qorynda saqtaýly turǵan saýyt, jaýynger qalqany sekildi jaýgershilik dáýirden jetken jádigerler kózge ottaı basylady. Alpys jyldan astam ýaqyt buryn qolǵa túsken qundylyqty ǵalymdar HVIII-HIH ǵasyrlardan jetken jádiger dep otyr.
«Biz kórip turǵan saýyt temir saqınalardan qurastyrylǵanyn baıqaý qıyn emes. Jaýynger kıimin sadaqtyń jebesi, naızanyń ushy, qylyshtyń júzi ótpeıtindeı etip jasaǵany birden baıqalyp tur. Saýyttyń ár jerin tot basqan, jeńderi jyrtylǵan. Jaýgershilik dáýirdiń jádigeri ekeni esh talas týdyrmaıdy. Tarıhy júz jyldyqtarmen jalǵasyp jatqan saýyt ájeptáýir kónergen.
Bizdiń bilýimizshe, bul saýytty Bılikól aýylynyń turǵyny kól mańynan 1959 jyly kezdeısoq taýyp alypty. Jergilikti azamat oljasyn oblystyq tarıhı-ólketaný mýzeıiniń qoryna tabystaýdy jón dep tapqan. Mýzeıge kelgen azamattar saýyttyń arǵy-bergi tarıhy týraly tolyqqandy málimet surap jatady. Mamandar olarǵa bilgeninshe aqparat berip júr», deıdi oblystyq tarıhı-ólketaný mýzeıi zertteý jumystaryn qamtamasyz etý bóliminiń meńgerýshisi Laýra Baıtursynova.
Budan bólek mýzeı qorynda saqtalǵan jaýynger qalqany sekildi ózge de qundy jádigerler tolyp tur. Olardyń da ózine tán tarıhy bar.
Taraz
