Durys ázirlengen tamaq – adamnyń kóterińki kóńil kúıiniń kepildigi. Tamaqty jaqsy daıyndaıtyn maman barlyq jerde qajet. Perzenthanada, balalar úıinde, zaýytta, qazirgi zamanǵy ofıs pen sáýletti meımanhanalarda aspaz taptyrmaıtyn mamandyq.
– Men Borodýlıha aýdanynyń týmasymyn. Balalyq shaǵym Kamyshenka aýylynda ótti, – deıdi Láıla Ydyrysova, – keıin otbasylyq jaǵdaıǵa baılanysty Semeı qalasyna kóship keldik. Semeıde qatarlastarymnan qalmaı eńbek ettim. Bul toqsanynshy jyldar bolatyn. Jumys joq, elektr energııasynyń ózi tapshy Semeıde úıimiz qalanyń shet jaǵynda. Sol kezde biz sııaqty jas otbasylarǵa da ońaı bolǵan joq. Qolymyzda kishkentaı balamyz bar, ony baǵyp-qaǵý kerek. Kıim, tamaq kerek. Bári aqshaǵa kelip tirelmeı me? Osyndaı qıyn ýaqytta jubaıyma bir kómegim tısin dep ashanaǵa ydys-aıaq jýýshy bolyp ornalastym. Osydan meniń eńbek jolym bastaldy dese de bolady. Ydys-aıaq jýýshy bolyp kóp jumys istegen joqpyn. О́zimniń jeke kásibimdi bastaǵym keldi. Men tabıǵatymnan tamaq daıyndaýǵa óte jaqynmyn. Ashanada ydys jýyp júrip, qandaı taǵamnyń bolsyn dámin tatyp kórgim keletin. Jetpeı turǵan, bolmasa kóp salynǵan nársesin birden sezip qalamyn. Tamaq daıyndaýǵa tabıǵatymnan jaqyn bolǵan soń bárinen de osy mamandyqty tańdadym.
«Jumyspen qamtý-2020» baǵdarlamasy týraly estigen Láıla Ydyrysova qalalyq jumyspen qamtý ortalyǵynda biliktiligin qaıta kóterý kýrsyna jazylyp, aspaz mamandyǵyna joldama alady. Kýrs barysynda búgingi kúngi as máziri jáne merekelik dastarqan mádenıetiniń qaıta órkendeýinen túsinik alyp, zaman talabyna saı keletin ashanalyq ydys-aıaqtardy jetildirýdi, dastarqan basynda ózin-ózi ustaýdy oqyp-túısinip, bilimin qajetinshe keńeıtedi. Kýrsty támamdaǵan soń qaladaǵy «Baýyrsaq» dep atalatyn shaǵyn ashanaǵa aspaz bolyp ornalasady. Keıinirek ashananyń ıesi Reseıge kóshpekshi bolyp, «Baýyrsaqty» Láıla Ydyrysova jeke ózi jalǵa alyp, jumys isteı bastaıdy.
– Shaǵyn ashanamdy biraz ýaqyt ótken soń keńeıtip, dámhanaǵa aınaldyrdym. Adamdar dámhanama túski asqa, demalýǵa, ýaqytyn qyzyqty ári mazmundy ótkizýge, otbasy merekeleri men mereıtoılaryn atap ótýge keledi. Sol kezde bizge rahmetin aıtyp jatady. Barlyq halyqtyń ulttyq taǵamdaryn daıyndaımyz. Keıbir adamdar aspaz ónerinde eshqandaı qıyndyq joq, tek qana taǵamdardy aralastyrý kerek, al pesh ózi pisirip shyǵarady dep oılaıdy. Qazirgi zamanda kim tamaq daıyndaý bilmeıdi, tipti kez kelgen adam aspaz bola salady deıdi. Biraq olaı emes. Bul iste eń aldymen talǵam kerek, dám men ıisti sezip, halyqty toıdyryp qana qoımaı, kóńilinen de shyǵa bilgen jón, – deıdi bas aspaz Láıla Ydyrysova.
Onyń dámhanasynda jumys kúni tańǵy saǵat altydan bastalady eken. Qaramaǵyndaǵy segiz qyzmetkeri osy ýaqytta kelip, óz jumystaryna dereý kirisip jatady. Nan, et ónimderinen jasalǵan taǵam ýaqytynda tezirek ázir bolý kerek. Al saǵat tańǵy jeti jarymnan bastap adamdar tamaq ishýge kele bastaıdy. Jeke dámhanam bar dep qol qýsyryp otyrǵan Láılany baıqamadyq, ol jumysshylarymen birge nan ılep, tamaq pisirip, jantalasyp júr.
Raýshan NUǴMANBEKOVA.SEMEI.
– Men Borodýlıha aýdanynyń týmasymyn. Balalyq shaǵym Kamyshenka aýylynda ótti, – deıdi Láıla Ydyrysova, – keıin otbasylyq jaǵdaıǵa baılanysty Semeı qalasyna kóship keldik. Semeıde qatarlastarymnan qalmaı eńbek ettim. Bul toqsanynshy jyldar bolatyn. Jumys joq, elektr energııasynyń ózi tapshy Semeıde úıimiz qalanyń shet jaǵynda. Sol kezde biz sııaqty jas otbasylarǵa da ońaı bolǵan joq. Qolymyzda kishkentaı balamyz bar, ony baǵyp-qaǵý kerek. Kıim, tamaq kerek. Bári aqshaǵa kelip tirelmeı me? Osyndaı qıyn ýaqytta jubaıyma bir kómegim tısin dep ashanaǵa ydys-aıaq jýýshy bolyp ornalastym. Osydan meniń eńbek jolym bastaldy dese de bolady. Ydys-aıaq jýýshy bolyp kóp jumys istegen joqpyn. О́zimniń jeke kásibimdi bastaǵym keldi. Men tabıǵatymnan tamaq daıyndaýǵa óte jaqynmyn. Ashanada ydys jýyp júrip, qandaı taǵamnyń bolsyn dámin tatyp kórgim keletin. Jetpeı turǵan, bolmasa kóp salynǵan nársesin birden sezip qalamyn. Tamaq daıyndaýǵa tabıǵatymnan jaqyn bolǵan soń bárinen de osy mamandyqty tańdadym.
«Jumyspen qamtý-2020» baǵdarlamasy týraly estigen Láıla Ydyrysova qalalyq jumyspen qamtý ortalyǵynda biliktiligin qaıta kóterý kýrsyna jazylyp, aspaz mamandyǵyna joldama alady. Kýrs barysynda búgingi kúngi as máziri jáne merekelik dastarqan mádenıetiniń qaıta órkendeýinen túsinik alyp, zaman talabyna saı keletin ashanalyq ydys-aıaqtardy jetildirýdi, dastarqan basynda ózin-ózi ustaýdy oqyp-túısinip, bilimin qajetinshe keńeıtedi. Kýrsty támamdaǵan soń qaladaǵy «Baýyrsaq» dep atalatyn shaǵyn ashanaǵa aspaz bolyp ornalasady. Keıinirek ashananyń ıesi Reseıge kóshpekshi bolyp, «Baýyrsaqty» Láıla Ydyrysova jeke ózi jalǵa alyp, jumys isteı bastaıdy.
– Shaǵyn ashanamdy biraz ýaqyt ótken soń keńeıtip, dámhanaǵa aınaldyrdym. Adamdar dámhanama túski asqa, demalýǵa, ýaqytyn qyzyqty ári mazmundy ótkizýge, otbasy merekeleri men mereıtoılaryn atap ótýge keledi. Sol kezde bizge rahmetin aıtyp jatady. Barlyq halyqtyń ulttyq taǵamdaryn daıyndaımyz. Keıbir adamdar aspaz ónerinde eshqandaı qıyndyq joq, tek qana taǵamdardy aralastyrý kerek, al pesh ózi pisirip shyǵarady dep oılaıdy. Qazirgi zamanda kim tamaq daıyndaý bilmeıdi, tipti kez kelgen adam aspaz bola salady deıdi. Biraq olaı emes. Bul iste eń aldymen talǵam kerek, dám men ıisti sezip, halyqty toıdyryp qana qoımaı, kóńilinen de shyǵa bilgen jón, – deıdi bas aspaz Láıla Ydyrysova.
Onyń dámhanasynda jumys kúni tańǵy saǵat altydan bastalady eken. Qaramaǵyndaǵy segiz qyzmetkeri osy ýaqytta kelip, óz jumystaryna dereý kirisip jatady. Nan, et ónimderinen jasalǵan taǵam ýaqytynda tezirek ázir bolý kerek. Al saǵat tańǵy jeti jarymnan bastap adamdar tamaq ishýge kele bastaıdy. Jeke dámhanam bar dep qol qýsyryp otyrǵan Láılany baıqamadyq, ol jumysshylarymen birge nan ılep, tamaq pisirip, jantalasyp júr.
Raýshan NUǴMANBEKOVA.SEMEI.
