Taraz qalasyndaǵy «Smoking shop» jerasty dúkeninen 113 elektrondy veıp tabylǵan. Polısııa qyzmetkerleriniń jedel áreket etýiniń arqasynda quny bir mıllıon teńgeden asatyn elektrondy temeki tárkilendi. Osylaısha, taǵy bir zańsyz kásiptiń joly kesildi.
Oblystyq polısııa departamentiniń baspasóz qyzmeti keltirgen derekke sensek, qýaty 8 000 márte tartýǵa arnalǵan «Waka» markaly elektrondy temekisiniń bir danasy turǵyndarǵa 10 000 teńgeden ótkerilgen eken.
Qazirgi kezde 45 jastaǵy tarazdyq azamatqa qatysty veıpti el ishinde taratý deregi boıynsha sotqa deıingi tergeý amaldary bastalǵan. Kúdikti óz kinásin tolyq moıyndap otyr. Jalpy, veıpti zańsyz saýda aınalymyna shyǵarǵandar buǵan deıin de anyqtalǵan bolatyn. Biraq zańsyz kásippen aınalysatyndardyń qarasy áli de sıreıtinge uqsamaıdy. Zań júzinde tosqaýyl qoıylsa da, elektrondy temeki tutynýshylaryn kóshelerden jıi kórip qalamyz.
«Elektrondy temeki saýdasymen aınalysqan azamattar oılanýy kerek. Buryn mundaı ónimdi satqan kásipkerler endigári taýardy joıý boıynsha is-shara júrgizip, jeke bıznesin qaıta qaraǵany jón. О́ıtkeni bul – zańsyz kásip. Zań júzinde tyıym salynǵan kásippen aınalysýǵa bolmaıdy», deıdi oblystyq polısııa departamenti esirtki qylmysyna qarsy is-qımyl basqarmasynyń basshysy Álim Bajyqbaev.
Oblystyq polısııa departamentiniń baspasóz qyzmeti keltirgen derekke júginsek, osy jyldyń 20 maýsymynan bastap el ishinde elektrondy temeki, ıaǵnı veıpti satýǵa, taratýǵa zań júzinde tyıym salynǵan. Zańsyz kásippen aınalysqandar qylmystyq jaýapkershilikke tartylady. Mundaı zańsyzdyqqa jol bergender 200 AEK kóleminde aıyppul tóleıdi nemese 200 saǵatqa deıin qoǵamdyq jumystarǵa tartylady. Sondaı-aq 50 táýlikke deıinge merzimge qamaýǵa alý túrindegi jaza kózdelgen.
Jambyl oblysy
