Kelisim jáne senim – qoǵam negizi

Jobanyń ıdeologııasy jal­py­ulttyq qundylyqtarǵa negizdelse, onyń maqsaty – qoǵam­da senim mádenıetin damytý.

Lýgmar Býlarov jaqynda Shý, Merki, Baızaq aýdandarynyń, sondaı-aq T.Rysqulov aýdanynyń memlekettik qyzmetkerlerimen, densaýlyq saqtaý meke­meleriniń, jumyspen qamtý jáne hal­yqqa qyzmet kórsetý ortalyqta­rynyń, «Qazposhta» qyzmetkerlerimen kezdesti. QHA Hatshylyǵynyń ókilderi­men jáne etnomádenı birlestikterdiń jetekshilerimen birge birqatar kezdesý men semınar-trenıng ótkizildi.

Lýgmar Býlarov «Birtutas qoǵam: kelisim jáne senim» jobasynyń maqsa­tyna toqtalyp, ulttyq qundylyqtardy nasıhattaý men saqtaýdyń mańyzdy­lyǵyn atap ótti. Sonymen qatar memleket pen qoǵam arasyndaǵy senim mádenıetin, qoǵamdaǵy birlik pen keli­simdi nyǵaıtýǵa basa nazar aýdardy. «Adal azamat» uǵymyna saı bolý usaq-túıek tirlik pen kishkentaı máselelerden bastalatynyn atap ótip, halyqqa qyzmet kórsetýge kúndelikti atsalysyp júrgen mekeme qyzmetkerlerin azamattarmen qarym-qatynasta barynsha baıypty bolýǵa, árbir ótinishke muqııat qarap, suraýlar barysynda týyndaǵan máseleni sheshýge, bolmasa sheshý algorıtmin usynýǵa shaqyrdy.

Aýdan ákimshiligi, halyqqa qyzmet kórsetý ortalyqtary, densaýlyq saqtaý júıesi jáne mobıldi jumyspen qamtý ortalyqtary qyzmetkerlerimen kezdesýler syndarly dıalogke qurylyp, qaty­sýshylar erkin formatta pikir almasty.

Semınar-trenıngterde qoǵamdyq kelisimdi nyǵaıtý máseleleri, QHA HHHIII sessııasynyń basymdyqtary, QHA otyrystarynda kóterilgen ózekti máseleler de talqylanyp, usynystar aıtyldy.

Jambyl oblysynda «Birtutas qoǵam: kelisim jáne senim» jobasy qanatqaqty rejimde júzege asyrylyp jatyr. Ony barlyq óńirlerge taratý josparlanyp otyr.