Foto: gov.kz
Spıkerdiń aıtýynsha, ótinishti qaraý kezinde saǵat beldeýiniń ózgerýi elektr energııasyn tutyný men halyqtyń densaýlyǵyna áser etti degen ýájder rastalmady.
«Densaýlyq saqtaý mınıstrligi statıstıkalyq málimetterge súıenetinin aıtyp, statıstıka 12 oblys pen respýblıkalyq mańyzy bar úsh qalada saǵat tili aýysýy halyqtyń ál-aýqatyna áser etkenin rastaǵan joq», dedi Qaırat Balyqbaev.
Onyń aıtýynsha, ýaqyt beldeýin aýystyrý kezinde halyqaralyq zertteýlerge taldaý jasalǵan.
«Biz qaraǵan barlyq kezeńde aryzdanýshylardyń ýájderi rastalmady, sondyqtan men mınıstrliktiń aldyn ala sheshimin aıtyp otyrmyn, bul ótinishti qanaǵattandyrýdan bas tartý týraly», dep túıindedi vıse-mınıstr.
Qazaqstan turǵyndary 2024 jyldyń 1 naýryzynan bastap UTC+5 birtutas ýaqyt beldeýine kóshti.
Sáýirdiń 22-si kúni ýaqytty ózgertýdi alyp tastaýdy talap etip petısııa jarııalandy.
7 maýsymda ol qaraý úshin qajetti daýys sanyn alyp (50 myń), keıinirek, 21 maýsymda ýaqyt beldeýine qatysty petısııany qaraý jónindegi jumys tobynyń birinshi otyrysy ótti.
