Avtobýstar turaqty baqylaýǵa alynady

Atyraý qalasynda da jolaýshylar tasymaldaıtyn avtobýstar jumysyna kóńili tolmaıtyndar bar. Sırek bolsa da turǵyndar sondaı shaǵymyn tilshi qosynyna habarlap turady. Mundaı shaǵymdar qalalyq ákimdikke de jetken bolýy kerek, endi jolaýshy tasymaldaıtyn avtobýstar qozǵalysy GPS-pen baqylaýǵa alynǵaly otyr. Atyraý qalasynyń ákimi Nurlybek Ojaevtyń jergilikti jolaýshy tasymaldaýshylarmen ótkizgen keńesinde naq osy másele maquldandy. Buǵan deıin, ıaǵnı ótken jyl­dyń kúzinde qalalyq ákimdiktiń qyzmetkerleri As­tanadaǵy qoǵam­dyq kólikte GPS júıesin engizý tájirıbesine zertteý júrgizipti. Al Atyraý­daǵy alǵashqy tájirıbe №4 marshrýtta qatynaıtyn avto­býs­tarǵa engizilgen. Osy baǵyttaǵy 12 avtobýsqa GPS júıe­si qon­dyrylyp, qoǵamdyq kóliktiń aıaldamalarǵa kelýi ýaqyty, uzaq turýy men salonǵa adamnyń shekten tys kóp minýi, júrgizýshilerdiń jol qozǵalysy ere­jesin saqtaýy baqylaýǵa alynǵan. – Bul júıe qoǵamdyq kólik­terde jolaýshy tasymalyn jaqsartýǵa septigin tıgizedi. GPS júıesin qaladaǵy 200-den astam avtobýsqa ornatar bolsaq, olardyń kúndelikti qozǵalysyn, quqyq buzýshylyqtardy ekrannan kórip otyrýǵa bolady, – degen Atyraý qalasynyń ákimi N.Ojaev tıisti maman­­darǵa GPS júıesin engizýdiń tıimdi joldaryn qarastyrýdy usyndy. Mundaı júıe bolashaqta Aty­raý qalasyndaǵy taksı qyz­metine de qoldanylýy múmkin. Joldasbek ShО́PEǴUL, «Egemen Qazaqstan». Atyraý oblysy.