Foto: polisia.kz
Shilde aıynda Jambyl oblysy Moıynqum aýdanynda uıymdasqan qylmysqa qarsy kúres bólinisiniń qyzmetkerleri «Altynalmas» AQ «Aqbaqaı» kombınatynyń aýmaǵynan quramynda altyny bar kendi urlaýǵa qatysy bar adamdar ustaldy.
Aımaqtaǵy quzyrly organdar júrgizgen izdeý is-sharalarynyń nátıjesinde Aqbaqaı, Moıynqum, Birlik kentterinde 11 zańsyz usaqtaý sehy tabyldy. Onda ken men tastardy óńdeýge arnalǵan arnaıy jabdyq, altyn, qarajat, sondaı-aq toǵyz atys qarýy men myńnan astam oq-dári tárkilendi.
«Qarakóz» kareriniń aýmaǵynda zańsyz ken izdeýshilerdiń eki brıgadasy ustaldy. Zańsyz ken óndirip, shahtalarǵa kirgen adam sany - 17. Olardyń barlyǵy ákimshilik jaýapkershilikke tartyldy. Budan basqa, arnaıy is-sharalardy ótkizý kezinde «Aqbaqaı» kombınatynyń aýmaǵynan quramynda altyny bar 600 qaptan astam shıkizatty urlaý faktisi anyqtaldy. Oǵan kombınattyń burynǵy qyzmetkerleriniń qatysy bolǵan. Olar ýaqytsha ustaý ızolıatoryna qamaldy. Kombınattyń qaýipsizdik qyzmetimen birge ustalǵandardyń basqa da osyndaı qylmystarǵa qatysy bar-joǵy tekseriledi», dedi IIM uıymdasqan qylmysqa qarsy kúres departamentiniń ókili Qýandyq Alpys.
