Kúni keshe amfıteatr sahnasynda Tashkenttiń tanymal ónerpazdarynyń qatysýymen jandy daýystaǵy konserttik baǵdarlamalar, ulttyq sándik-qoldanbaly óner kórmeleri, sporttyq jarystar men oıyndar uıymdastyryldy. О́zbek halqynyń san qyrly salt-dástúri men astanasynyń týrıstik áleýeti tanystyryldy.
«О́zbekstan men Qazaqstannyń tyǵyz áriptestigi, dostyǵy aıasynda Astanada qala turǵyndary men qonaqtaryna arnalǵan is-sharalar ótip jatyr. Bul – dostyǵymyz ben áriptestigimizdiń jarqyn mysaly. Biz elderimizdiń mádenıeti men dástúriniń baılyǵyn kórsete otyryp, О́zbekstan men Qazaqstan arasyndaǵy baılanysty nyǵaıtýǵa umtylamyz», dedi Tashkent ákiminiń baspasóz hatshysy Gýlnoza Qasymova.
Sondaı-aq ol Tashkenttiń Astana qalasyndaǵy mádenıet kúnderi aıasynda birneshe bıznes-forým uıymdastyrylatynyn atap ótti. Kelýshiler samsa, palaý men ózbektiń dástúrli taǵamy – halemnen dám tata alady.
«Eki el prezıdentteriniń bastamasymen Qazaqstan men О́zbekstan arasyndaǵy qarym-qatynas odan ári nyǵaıa tústi. Qazirgi is-shara – sonyń bir kórinisi», deıdi Tashkent qalalyq týrızm basqarmasynyń bas mamany Shohrýh Nosırov.
Astananyń amfıteatrynda О́zbekstannyń belgili ártisteri, atap aıtqanda, Qazaqstan men О́zbekstannyń halyq ártisi Farrýh Zakırov, opera ánshisi, О́zbekstannyń halyq ártisi Jeńisbek Pııazov, «Bahor» ulttyq bı ansambli, basqa da estrada juldyzdary óner kórsetti.
Sondaı-aq qala turǵyndary men qonaqtary dástúrli ózbek taǵamdarynyń dámin tatty. Tashkenttiń eń tanymal taǵamy – toı palaýyna qyzyǵýshylyq tanytqandar kóp boldy. Odan bólek, astanalyqtar naryn, káýap, samsa sekildi kórshiniń ulttyq taǵamdarynyń jasalý ádisin surap, aýyz tıdi.
