Osy jyldyń 7-8 tamyzynda Aqmola oblysy, Kókshetaý qalasyndaǵy «О́rleý» biliktilikti arttyrý ulttyq ortalyǵynyń májilis zalynda Qazaqstan Respýblıkasy Mádenıet jáne aqparat mınıstrliginiń Din isteri komıtetiniń jáne «Azamattyq bastamalardy qoldaý ortalyǵy» Komersııalyq emes aksıonerlik qoǵamnyń qoldaýymen «Rýhanı jańǵyrý» qoǵamdyq qorynyń uıymdastyrýymen din máseleri boıynsha bilikti mamandardy daıyndaýǵa baǵyttalǵan is-shara ótti. Sharaǵa «Din zertteý ortalyǵynyń», meshitterdiń, aqparattyq túsindirý tobynyń músheleri jáne t.b mamandary, ımamdary, psıhologtary men teologtary qatysty. Jıynda din máseleleri boıynsha túsindirý tobynyń músheleri – Áleýmettaný ǵylymdarynyń kandıdaty TalǵatJaqııanov jáne psıholog mamanyLola Shakımova semınar oqydy.
Jaqııanov Talǵat Járdemqululy «Qazaqstannyń din salasyndaǵy ózekti máseleleri» taqyrybynda jalpy teorııalyq aqparat berip, qatysýshylarmen jumys jasady. Sondaı-aq, «Dinı ahýal monıtorıngi: ádisteri jáne júrgizý tehnıkasy» taqyrybymen Qazaqstandaǵy dinı jaǵdaılardy túsindire otyra, oǵan qatysty kúrdeli suraqtarǵa jaýap berý ádisterin úıretti.
Shakımova Lola Sergeevna «Psıhologııa destrýktıvnyh lıchnosteı, ýıazvımyh k verbovke so storony lıderov DRT» taqyrybymen qatysýshylarǵa jastar arasyndaǵy táýekel toptaryn anyqtaý úshin profaılıng tehnıkasyn, ıaǵnı, qylmys jasaýǵa daıyn turǵan tulǵanyń syrtqy kelbetine, mımıkasyna, júris-turysyna qarap qalaı anyqtaýǵa bolatynyn túsindirdi.
Sonymen qatar semınarlar men trenıngter barysynda qatysýshylar tarapynan dáriskerlerge suraqtar qoıylyp, naqty jaýaptar alyndy.
