Foto: stan.kz
Sot taratqan aqparatqa sáıkes sottalýshy klıentterdiń birine blefaroplastıka (adamnyń qabaǵynan artyq terini alyp tastaý úshin jasalatyn operasııa) jasaý kezinde kómekshi bolýǵa kelisken. Otadan keıin klıenttiń beti isine bastaǵan, keıin kosmetolog kómekshisine dári egýdi ótingen.
«Medısınalyq qyzmetpen aınalysýǵa lısenzııasy bolmasa da, A. esimdi azamatsha salon klıentine synama retinde lıdokaın qosylǵan seftrıakson ekken. Medısınalyq prosedýradan keıin áıeldiń jaǵdaıy nasharlap ketken», delingen sottyń habarlamasynda.
Zardap shekken áıel dereý medısınalyq ortalyqqa jetkizildi. Degenmen ony qutqarý múmkin bolmady.
Medısınalyq qyzmetpen zańsyz aınalysqan kosmetologtiń kómekshisi 2,5 jylǵa sottaldy. Sondaı-aq ol 3 jylǵa medısınalyq qyzmetpen aınalysý quqyǵynan aıyryldy. Sot úkimi áli kúshine enbedi.
