Kollajdy jasaǵan – Qonysbaı ShEJIMBAI, «EQ»
Qazir qurylysty sapaly josparlaý men basqarý maqsatynda aýmaqtardyń ınfraqurylymdyq qamtamasyz etilýiniń derekteri jáne qala qurylysy reglamentterin shoǵyrlandyratyn memlekettik qala qurylysy kadastryn damytý júrip jatyr. Qala qurylysy kadastrynyń aqparattyq júıesi sıfrlyq bas jospardy, egjeı-tegjeı josparlaý jobasyn (ETJJ), ǵımarat pen qurylystyń ornalasýy, ınjenerlik ınfraqurylym, kóshe-jol jelisi, sondaı-aq abattandyrý týraly derekterdi jınaýdy, ony óńdeýdi jáne saqtaýdy qamtamasyz etedi.
Júıe iri eldi mekenniń qurylys salynǵan aýmaǵynyń ınjenerlik jelisi sıfrlyq dereginiń 86%-yn qamtıdy. Jyl sońyna deıin ınfraqurylymdyq derekterdi 100% sıfrlandyrýdy júzege asyrý josparlanyp otyr. Jergilikti atqarýshy organdar bergen bas jospardyń jáne egjeı-tegjeı josparlaý jobasynyń (qalalar boıynsha) 90%-dan astamy sıfrlandyryldy jáne normatıvtik qurylymǵa keltirildi.
Búginde О́nerkásip jáne qurylys mınıstrligi el azamattaryna kórsetiletin memlekettik qyzmetti sıfrlandyrý máselesine aıryqsha nazar aýdaryp keledi. О́tken mamyr aıynda «Qazreestr» júıesinde elektrondyq sıfrlyq qoltańbany nemese «eGov Mobile» qosymshasynda QR kodty paıdalanyp, elektrondyq úlestik qatysý shartyn jasaýǵa arnalǵan jańa fýnksııa qoldanysqa engizildi. Bul týraly О́nerkásip jáne qurylys vıse-mınıstri Jannat Dúbırova málimdedi.
Onyń aıtýynsha, endi úlestik qatysý sharty jasalǵannan keıin tek onlaın formatta ǵana emes, ázirleýshide aksıonerlerdiń aqshasyn tartýǵa ruqsaty bar-joǵyn bilip otyrýyna da múmkindik bar. Bul bolashaqta nysan qurylysy jalǵaspaı qalý qaýpin azaıtady. Sondaı-aq «Qazreestr» júıesi búkil el boıynsha úlestik qatysý kelisiminiń ortalyqtandyrylǵan esebin júrgizýge jáne úleskerdiń qaýipsizdigine oń áser etetin úlestik nysan qurylysynyń barysyna monıtorıngti shoǵyrlandyrýǵa jaǵdaı jasaıdy.
Bul júıe «Báıterek» holdınginiń enshiles uıymy «Qazaqstan turǵyn úı kompanııasy» bazasynda ázirlenip jatyr. «Qazreestrde» 800-den astam úlestik qurylys nysany týraly aqparat bar. Oǵan qosa, 100-den astam qurylys uıymy tirkelgen. Ázirge qurylys salasyndaǵy sıfrlandyrý jumystary memleket esebinen salynyp jatqan nysandardy ǵana qamtyp otyr.
Al qala qurylysy qyzmetiniń ashyqtyǵyn qamtamasyz etý úshin qala qurylysy kadastrynyń júıesi arqyly bastapqy ruqsat berý qujattaryn berýdi jáne eskızdik jobalardy kelisýdi usyný iske asady. Bul qujattyń bekitilgen bas josparǵa jáne egjeı-tegjeı josparlaý jobasyna sáıkestigin tekserýge múmkindik týdyrady. Búginde bıznes-úderister men fýnksııalardy avtomattandyrýǵa arnalǵan júıe platformasy engizý satysynda tur. Ol qyzmetti iske qosý osy jyldyń III toqsanyna josparlanǵan.
Vıse-mınıstrdiń oıynsha, qala qurylysy reglamenti men ınfraqurylymynyń esepke alý júıesi retinde memlekettik qala qurylysy kadastrynyń avtomattandyrylǵan aqparattyq júıesi (MQK AAJ) josparlaý sátinen bastap paıdalanýǵa berýge deıingi qurylys nysandarynyń ómirlik sıkliniń monıtorıngin júzege asyrýǵa múmkindik beredi. Sondaı-aq kórsetiletin qyzmetterdiń ashyqtyǵyn, shynaıy jáne ózekti derekterdi qalyptastyrýdy qamtamasyz etedi.
Búginde qurylys jobalaryn jobalaý jáne saraptaý úshin biryńǵaı portal ázirlenip jatyr. Portaldyń jobalyq ataýy – aqparattyq modelderdiń memlekettik banki. Júıeniń negizgi maqsaty – qurylystyń barlyq qatysýshysynyń birlesken jumysyn biryńǵaı derekter ortalyǵynda uıymdastyryp, basqa salalyq júıelermen ıntegrasııalaý arqyly qurylys nysanynyń sıfrlyq tirshilik sıklin qamtamasyz etý.
Vıse-mınıstr memlekettik qyzmetter men derekterdi sıfrlandyrýǵa erekshe kóńil bólinip jatqanyn aıtty. Qurylys salasynda 22 memlekettik qyzmet bar, onyń 20-sy elektrondyq formatta kórsetiledi.
«Bıyl biz turǵyn úı-kommýnaldyq sharýashylyq salasyndaǵy ártúrli kózden alynǵan derekterdi biriktirýge múmkindik beretin Biryńǵaı turǵyn úı-kommýnaldyq sharýashylyq platformasyn qurý boıynsha jumysty bastadyq. Bul derekterge kommýnaldyq tólemder úshin Biryńǵaı tólem qujatynyń túbirtekteri, e-PIK/MIB jáne «iKOMEK109» kiredi. Sondaı-aq platforma turǵyn úı ınspeksııasynyń ınjenerlik jelileri men jumys úderisin ortalyqtandyrylǵan sıfrlandyrýǵa múmkindik jasaıdy», dedi J.Dúbırova.
Platforma jaqsy jáne teńdestirilgen turǵyn úı-kommýnaldyq sharýashylyq saıasatyn qalyptastyrý úshin onlaın formatta derekterdi jınaý úshin qurylyp jatyr. Vedomstvonyń sıfrlandyrý toby tıimdilik pen yńǵaılylyqty arttyrý úshin memlekettik qyzmet kórsetý úderisin jetildirý boıynsha turaqty jumysty jalǵastyra beredi.
