Onyń aıtýynsha, bul stansııalardyń keıbiri kelesi 10 jyl ishinde paıdalanýdan shyǵarylýy kerek. Bul rette elimizde elektr energııasyn tutyný kólemi jyldan jylǵa ósip keledi. Osy sebepten 2035 jylǵa qaraı arnaıy jospar bekitilgen bolatyn. Bul jospar boıynsha kelesi onjyldyqta 26 myń MVt qýattylyǵy bar stansııalar iske qosylady. Árıne, onyń ishinde qoldanystaǵy stansııalardy jańartý jumystary da bar, jańadan stansııalardy salý da josparlanǵan.
G.Mýrsalova Qazaqstanda jańartylǵan energııa kózderi óte jaqsy damyp jatqanyn atap ótti. Jańadan jel elektr stansııalary, kún elektr stansııalary salynady. Búkil 26 myń MVt qýattylyqtyń 10 myń MVt jýyq JEK iske qosylady.
Onyń aıtýynsha, qazirgi ýaqytta kómirmen jumys isteıtin stansııalarǵa qarjy tartý qıyn bolyp tur. Sebebi kómirmen jumys isteıtin stansııalardyń kómirqyshqyl gazdarynyń shyǵyndary óte joǵary.
«Sol sebepten referendýmnyń nátıjesi oń bolǵan jaǵdaıda ǵana biz úlken qýatty eki reaktory bar bir atom elektr stansııasyn qarastyramyz. Sebebi AES jasyl energetıkaǵa jatady, kómirqyshqyl gazdarynyń shyǵyndary 0», dedi G. Mýrsalova.
