foto: gov.kz
Jalpy bala sany – 12 029. Joǵary synyptardaǵy 44 oqýshy «Altyn belgige» úmitker bolyp otyr. Sondaı-aq qazir modıfıkasııalanǵan kabınetterdiń sany 32 bolsa, jańa oqý jylynda qosymsha 8 kabınetti ashý kózdelýde. Buǵan deıin bilim oshaqtarynda 2 STEM kabınetteri bolǵan, bıyl onyń sany 4-ke jetedi.
Qala aýmaǵyndaǵy oqý ordalaryna 21 jas maman jumysqa qabyldandy. Jalpy ustazdar sany – 1417. Budan bólek, bilim bóliminiń basshysy «Mektepke jol» respýblıkalyq qaıyrymdylyq aksııasy qalaı ótkeni týraly aıtyp berdi. Sózinshe, 1002 balanyń ata-anasynyń shotyna 43 493 teńgeden aýdarylǵan.
«Jergilikti demeýshiler tarapynan 142 oqýshy mektep formasymen, qajetti qural-jabdyqtarmen qamtyldy. Jalpy somasy – 3 915 000 teńge», degen bólim basshysy jańa oqý jylynda ystyq tamaqpen 6151 bala qamtylatynyn da atap ótti. Onyń ishinde 5636-sy bastaýysh synypta oqıtyndar.
«Oqý jylynda balalardyń qaýipsizdigi de mańyzdy másele. Qaladaǵy oqý ordalarynyń barlyǵynda beınebaqylaý kameralary, prokýratýranyń QR-kody, týrnıketter qoıylǵan», dedi ol.
Bólim basshysy jurt kókeıinde júrgen qaladaǵy Qasym Qaısenov atyndaǵy №4 orta mekteptiń kúrdeli jóndeýi týraly saýalyna da jaýap berdi.
«Mektep 30 tamyzda qoldanysqa berilýi tıis bolǵan. Alaıda jumys ýaqtyly júrgizilmeı, kúrdeli jóndeý aıaqtalmady. Bıyl bul mekteptiń oqýshylary úshin 10-yqsham aýdanda ornalasqan mektep-lıseıge tasymal uıymdastyrylyp, bastaýysh, 5 jáne «Jas polıseı» synyp oqýshylary eki aýysymda oqytylady. Qalǵan 6-11 synyp oqýshylary orta mektep-gımnazııada eki aýysymmen bilim alady», dedi Qalamqas Sársenbaeva.
2023-2024 oqý jylynda bilim sapasynyń deńgeıi 64,1 paıyz boldy. Bıyl kórsetkishti arttyrý josparlanyp otyr. Qýantarlyq taǵy bir derek – 2024 jyly 443 túlek mektep bitirip, onyń 223-i JOO-nyń grantyn utyp aldy. Sonymen qosa Reseı ýnıversıtetteriniń grantyn 25 túlek, alys-jaqyn sheteldegi bilim ordalarynyń grantyn 20 túlek ıelendi.
