Almatynyń irgesindegi Qarasaı aýdany, Jańa-turmys aýylynda 1-6 jas aralyǵyndaǵy balalarǵa «BUBBLE GUM» oıyn-saýyqtyrý ortalyǵy jumysyn bastady. Kólemi 3 myń sharshy metr bolatyn záýlim ǵımarattyń ekinshi, úshinshi qabattary balalarǵa arnalǵan.
Buryndary aýylda sırek bolatyn kásiptiń kózin tapqan - jas kásipker Oljas Mamadalıev. Otyz jasty áli eńsere qoımaǵan jas kásipkerdiń kásibine bereke tilegen aýyldastary dán rıza. Ortalyq endi ashylsa da barlyq jaǵdaı jasalǵan. Balalardyń jaılylyǵy men qaýipsizdigine myqty kóńil aýdarylǵan. Sebebi barlyq oıyn qurylǵylary balalardyń densaýlyǵyna zııan keltirmeıtin materıaldardan jasalyp, ornalastyrylǵan. Átkenshek, syrǵanaq, haýyz da bar, Tipti bir burynshta balalardyń týǵan kúnin ótkizýge arlaǵan kishkentaı bólme de bar. Bul ortalyq bir mezgilde 100 shaqty balany qabyldaı alady. Áýlettiń anasy Bolǵan Qaldybekova bizben áńgimesinde uly Oljastyń bul sheshimin qoldaǵanyn aıtyp berdi. Sebebi aýyl balalarynyń bárinde birdeı bala baqshaǵa barýǵa múmkindik joq. Al BUBBLE GUM ortalyǵynyń quryltaıshysy Oljas Mamadalıev óz sózinde balalarǵa salynǵan ınvestısııa bolashaqqa salynǵan depozıtpen birdeı ekenin aıtyp, aldaǵy birer jyldaǵy josparlaryn bólisti. Amandyq bolsa, aldaǵy kúnderi balalarǵa aǵylshyn tilin túrli oıyndar arqyly úıretetin arnaıy kýrstar da ashylmaq. Tipti ortalyq ishin bir aınalyp ótetin kishkentaı júrdek poıyzdar da ornatý oıda bar.
Aýyldastary jas kásipkerdiń bul sheshimine dán rıza. Endi jańaturmystyq balalarǵa Almatyǵa nemese úlken qalalarǵa barmaı-aq, osy zamanǵy oıyn túrlerimen óz aýylynda oınaýǵa múmkindik bar.
