Jetisý oblysyndaǵy Úsharal-Dostyq ýchaskesin aqyly etý josparlanýda. Tıisti sheshimdi Qazaqstan Respýblıkasynyń Kólik mınıstrligi qabyldaıdy. Onyń quny barlyq aqyly joldarǵa arnalǵan eseptik kórsetkishterge sáıkes jyl saıyn ózgerip otyrady. Búgingi tańda bul kórsetkish bir shaqyrymǵa bir teńgeni quraıdy.
Kompanııanyń baspasóz qyzmeti atap ótkendeı, respýblıkalyq trassanyń bul ýchaskesi tek júk kóligi úshin ǵana aqyly bolady. Al jeńil avtokólikter tegin júre beredi.
Kelisimshartqa sáıkes jobanyń aıaqtalý merzimi – 2024 jylǵy jeltoqsan. Qazirgi ýaqytta jol tóseminiń rekonstrýksııasy aıaqtaldy. Merdiger bolyp tabylatyn halyqaralyq qytaılyq kompanııalardyń birine aýa-raıyna baılanysty emes jumystardy oryndaý ǵana qaldy: qorshaý, jaryqtandyrý tirekterin ornatý, qalpyna keltirý, shýly jolaqtar salý jáne t.b.
"QazAvtoJoldyń" Jetisý fılıaly dırektorynyń orynbasary Jasulan Qaltaevtyń aıtýynsha, Kólik mınıstrligi jol ýchaskeleriniń biri aqyly bolatyny týraly qujatqa nysandy qabyldaǵannan keıin – ıaǵnı, 2025 jyly qol qoıatyn bolady.
