"Qazgıdromet" RMK málimetinshe, qyrkúıek aıynda elimizdiń basym bóliginde salqyn ári jańbyrly bolady. Aıdyń basynda ǵana Qazaqstannyń batysynda aýa raıy jaýyn-shashynsyz bolady.
Qyrkúıek aıynda elimizdiń soltústik bóliginde jıi jaýyn-shashyn bolady dep kútiledi. Arasynda 1-3 kún kún ashyq bolady. Keıbir kúnderi respýblıkamyz boıynsha naızaǵaı oınap, burshaq túsip, ekpindi jel turyp, jańbyr jaýady dep boljanady. Elimizdiń soltústiginde tuman jıi tirkeledi dep kútiledi.
Qyrkúıektiń birinshi onkúndiginde myna óńirlerde aýa raıy mynandaı bolady dep boljanady:
eldiń batysynda túnde: +8...+15°S, kúndiz: +23...+30°S;
respýblıkamyzdyń ońtústik-batysynda túnde: +17...+25°S, kúndiz: +28...+35°S, tek jekelegen kúnderi – synap baǵany shamaly tómendeıdi;
Aqtóbe oblysynda aýa temperatýrasy túnde: +3...+10°S-tan +10...+15°S, kúndiz: +17...+25 °S-tan +22...+27°S aralyǵynda aýytqıdy;
Qostanaı oblysynda túnde: +2...+7°S, topyraq beti qatady, +8...+13°S, kúndiz: +10...+18°S, +17...+25°S;
Qazaqstannyń soltústik jáne ortalyq óńirlerinde túnde: +2...+10°S, kúndiz: +8+15°S, onkúndiktiń sońyna qaraı synap baǵany aqyryndap shamaly kóteriledi dep kútiledi;
respýblıkamyzdyń shyǵysynda aýa temperatýrasy túnde: +8...+16°S-tan +2+7°S aralyǵynda aýytqıdy dep kútiledi, onkúndiktiń ekinshi jartysynda kún kúrt sýytýy múmkin, kúndiz: +12+23°S-tan +17+25°S aralyǵynda aýytqıdy;
elimizdiń ońtústigi men ońtústik-shyǵysynda aýa temperatýrasy kúndiz: +22...+30°S-tan +17+23°S-qa deıin tómendeıdi dep boljanady.
Qyrkúıektiń ekinshi jáne úshinshi onkúndikterinde:
respýblıkamyzdyń soltústiginde, ortalyǵynda jáne shyǵysynda túnde synap baǵany +3...+8°S kórsetedi, jekelegen aýdandarda kún kúrt sýytýy múmkin, kúndiz aýa temperatýrasy +12...+19°S-tan +21...+26°S-qa deıin qyzady;
elimizdiń batysynda jáne ońtústik aımaqtarynda aýa temperatýrasy túnde: +7...+15°S, aıdyń ekinshi jartysynda topyraq beti qatýy múmkin, kúndiz aýa temperatýrasy +25...+35°S-tan +15...+23°S-qa deıin aralyǵynda aýytqıdy dep kútiledi.
Qyrkúıektiń úshinshi onkúndiginde soltústik, ortalyq jáne shyǵys aımaqtarda jańbyrdyń sońy qarǵa ulasýy múmkin.
